1838-09-24a - Sasradiningrat kepada Residen Surakarta

Ringkasan: Atas perintah residen, supaya Sasradiningrat segera menyelesaikan perkara orang-orang yang membakar rumah jaga di Tangkisan dan segera menyerahkan ke pengadilan lengkap dengan daftar kesalahannya. Jawaban Sasradiningrat, bahwa Asmareja dengan teman-temannya yang membakar pos Tangkisan sejumlah 29 orang, tetapi yang 2 orang melarikan diri dari tahanan, tinggal 27 orang. Setelah diperiksa dengan Tumenggung Amongpraja, dari 27 orang itu ada yang mendapat hukuman, dan ada yang dibebaskan tetapi disumpah dahulu. Semua data itu telah dicacat dan dilaporkan kepada residen.

Atur tabe kula saha kaurmatan akathah-kathah, Kangjêng Radèn Adipati Sasradiningrat, katur kangjêng tuwan mayor, residhèn ing Surakarta Adiningrat.

Sasampuning kadya punika wiyosipun. Kula sampun anampèni sêrat, pêparingipun kangjêng tuwan residhèn, kang katitimangsan Surakarta kaping 28 wulan Juni taun 1838, ingkang mungêling sêrat. Sarèhning kangjêng tuwan ingkang wicaksana guphrênur jendral. Benjing tanggal kaping 15 wulan Juli ingkang sampun kalampahan tindak wangsul dhatêng ing Surakarta, kangjêng tuwan residhèn badhe amirsakakên pamanggihipun, mênggah papriksanipun. Ing sêksi kalihan têtiyang ingkang tumut ambêsmi griya pos ing Tangkisan. Punika pamundhutipun kangjêng tuwan residhèn. Mugi kainggalêna ing papriksanipun ing prakawis wau, tumuntên angaturna dhatêng ing parentah, ingkang sampun kalêrês ing kalêpatanipun. [ka...]

[...lêpatanipun.] Lajêng kula kadhawahan amratelakakên, ing kangjêng tuwan residhèn, mênggah ing kadadosanipun.

Ingkang punika atur wangsulan kula ing kangjêng tuwan residhèn, mênggah aprakawis pun Sêmararêja, sapanunggilanipun têtiyang ingkang sami ambêsmi griya pos ing Tangkisan. Kathahipun tiyang 29, ingkang sampun minggat wontên ing res- êresan kalih, dados kantun 27, punika sampun sami kula rêmbag. Mênggahing karampunganipun papriksan sadaya, kalihan abdi dalêm wadana jaksa, Radèn Tumênggung Amongpraja, sakancanipun panèwu mantri jaksa nagari jaksa pradata, utawi kănca kula wadana jawi lêbêt sadaya, mênggah ingkang pinanggih pangrêmbag kula, prakawis têtiyang pasakitan 27 wau, ingkang kalêrês kenging patrapan paukuman. Punapadene ingkang kalêrês luwar saha mawi kasumpah, sampun sami kawrat ing sêrat rèngrèng sadaya. Wondening sêratipun rèngrèng karampungan tiyang satunggil-tunggilipun. Inggih kula aturakên ing kangjêng tuwan residhèn, asarêng kalihan sêrat kula punika, [pu...]

[...nika,] ingkang mugi kapariksaa ingkang têrang, kula sumăngga panggalihipun kangjêng tuwan residhèn.

Katur ing dintên Sênèn kaping 5 wulan Rêjêp taun Je, ăngka 1766.