1843-03-19 - Sasradiningrat kepada Residen Surakarta

Ringkasan: Sasradiningrat melaporkan kepada Residen, bahwa dia telah menerima surat dari Haji Ambyah, Rapingi, dan Ahmat di Butuh. Isi surat: Sepeninggal Mas Pengulu Dipaningrat, anak-anaknya masih kecil, bila Sinuhun mengijinkan agar anak kemenakan Dipaningrat diterima sebagai calon pegawai kraton yang saat ini sudah menjadi ketip dengan nama Sememi yakni anak almarhum R. Ng. Sutapura, yang saat menjadi ketip juga bernama Sememi anak Mas Pengulu Martalaya. Dia baru berusia 39 tahun mengapa diusulkan calon, karena ada silsilah pangulu, kecuali itu, dia juga sudah lancar membaca Al Qur’an dan tulisannya bagus. Kemudian, ketip Sememi ditugasi mengasuh anak-anak dari Almarhum Dipaningrat, dan anak yang paling besar sebagai asisten atau pembantunya. Bila usul ini disetujui, maka mohon supaya dibuatkan surat keputusan pada bulan Maulud yang akan datang.

Atur tabe kula saha kaurmatan akathah-kathah, Kangjêng Radèn Adipati Sasradiningrat, katur kangjêng tuwan mayor, ridrê sangking ing Nèdrêlansê leyo, residhèn ing Surakarta Adiningrat.

Sasampuning kadya punika wiyosipun, kula ngaturi uninga ing kangjêng tuwan residhèn, mênawi kula anampèni aturipun lurah kaji, tuwan Kaji Ambyah, sakancanipun kaji, kalihan aturipun ngulami, pun Rapingi, utawi pun Ahmat ing Butuh, sakancanipun ngulami ing nagari, utawi pradikan ing dhusun. Mênggah aturipun sadaya katur wontên ing ngandhap punika.

Mênggah ing satilaripun Mas Pêngulu Dipaningrat, mênggah têtilaranipun anak têksih sami alit-alit, punika mênawi amarêngi ing karsa dalêm, Ingkang Sinuhun Kangjêng Susuhunan, ingkang kasaosakên pamagang, anak kapenakan Mas Pangulu Dipaningrat, sampun dados abdi dalêm kêtip anama pun Kêtip Sêmêmi, têtilaranipun anak Radèn Ngabèi Sutapura, kala dados kêtip anama pun Sêmêmi, anakipun Mas Pêngulu Martalaya sêpuh, mênggah umuripun sawêg 39 taun, mila pun Kêtip Sêmêmi kasaosakên pêmagang, amargi nalurènipun ing pangulu, kalihan sampun anglampahi padamêlan ing surambi dalêm, tiga pêmaosipun ing Kuran utawi kitab sampun rêsik. Kaping sakawan [saka...]

[...wan] sêratanipun Kuran agêng sae.

Ingkang punika atur kula ing kangjêng tuwan residhèn, mênggah aturipun tuwan Kaji Ambyah sakancanipun, sami anyaosakên pêmagang ing pêngulu, ingkang sampun mungêl wontên ing ngajêng wau, mênggah pun Kêtip Sêmêmi, kula dhawahi ngêmong, amêngkoni têtilaranipun anak mas Pêngulu Dipaningrat sadaya, dene anakipun ingkang sêpuh sumêrêpa dados pêmagangipun ing Kêtip Sêmêmi.

Punika mênawi sampun amarêngi ing karsa dalêm, Ingkang Sinuhun Kangjêng Susuhunan, kula suwun têtêpipun benjing ing wulan Mulud ngajêng punika.

Ingkang punika mugi kauningana ing kangjêng tuwan residhèn.

Katur ing kantor ing dintên Sênèn kaping 17 wulan Sapar ing taun Alip, ăngka 1771.