1842-08-22 - Sasradiningrat, Residen kepada Purwadiningrat, Jayanagara

Ringkasan: Sasradiningrat, residen, atas dasar perintah P.B. VII, memerintahkan kepada R.M.A. Purwadiningrat dan R.T. Jayanagara yang sedang menjalankan tugas di Klaten. Isi perintah: oleh karena tugas mencari R.M.A. Sumawinata di daerah Pajang dan Klaten belum ketemu, maka R.T. Jayanagara dan teman-temannya dipindah-tugaskan di daerah Boyolali, dan bertugas memimpin R.T. Singaranu, R.T. Ranadirja, R.T. Cakrawadana, M. Riya Singasentika, untuk mencari R.M.A. Sumawinata. Sedangkan R.M.A. Purwadiningrat, tetap di Klaten memimpin R.T. Mertanagara, dan R.T. Mangunnagara, serta R.T. Wiryanagara, melanjutkan pencariannya terhadap R.M.A. Sumawinata; tidak diijinkan berhenti sebelum mendapatkan keterangan tentang tempatnya. Kemudian R.T. Jayanagara dan teman-temannya, setelah mendapat surat perintah ini, diminta segera berangkat ke Boyolali.

Pèngêt. Layang manira parentah, Kangjêng Radèn Adipati Sasradiningrat, akalihan kangjêng tuwan mayor, ridrê săngka ing Nèdrêlansê Leyo, residhèn ing Surakarta Adiningrat. Têrang dhawuh dalêm, ingkang sinuhun kangjêng susuhunan. Dhawuha marang ing pakênira Radèn Mas Arya Purwadiningrat, lan Radèn Tumênggung Jayanagara, kang padha lagi anglakoni ayahan dalêm, jaga bêbarisan ana ing Klathèn.

Liring parentah, mungguh gon pakênara[1] padha ngupaya, marang Radèn Mas Arya Sumawinata, marang tanah Pajang kidul. Ing Klathèn mangulon mangetan utawa mangalor, wus padha rêsik. Ananging durung olèh titik lan durung katêmu panggonane Radèn Mas Riya Sumawinata mau.

Iku ing sak iki, mungguh kănca pakênira Radèn Tumênggung Jayanagara, sakancane kaliwon panèwu mantri jaba, manira andikakake ngalih jaga ing Bayalali, mungguh gawene anindhihi, marang Radèn Tumênggung Singaranu, karo Radèn Tumênggung Ranadirja, têlu Radèn Tumênggung Cakrawadana ing Ngampèl. Papat Mas Riya Singasêntika ing Bayalali sakancane gunung kabèh, utawa anindhihi kaliwon gunung sajroning rangkah sakancane, gone padha angupaya marang Radèn [Radè...]

[...n] Mas Riya Sumawinata mau, marang gunung-gunung utawa jurang lan alas. Apadene ing desa-desa kang padha dadi bawahe dhewe-dhewe, kang supaya bisaa rêsik aja nganti kakurangan.

Dene pakênira Radèn Mas Arya Purwadiningrat, lan sakănca pakênira kaliwon panèwu mantri jêro kabèh, misiya lulus ana ing Klathèn. Anindhihana Mas Tumênggung Mêrtanagara, karo Radèn Tumênggung Mangunnagara, têlu Radèn Tumênggung Wiryanagara ing Candhi Sèwu, sakancane gunung kabèh, mungguh gon pakênira padha anggolêki marang Radèn Mas Riya Sumawinata mau kang nêmên, ing bawahe dhewe-dhewe kang rêsik, ora manira lilani mênêng yèn durung olèh titik kang nyata, utawa durung katêmu, dene satêkane layang manira parentah iki, mungguh Radèn Tumênggung Jayanagara, sakancane mau, inggal pakênira angkatêna marang ing Bayalali, aja kongsi kasuwèn. Kang iku poma-poma.

Dhawuhing parentah Surakarta Sênèn ping 16 Rêjêp ing taun Jimakir ăngka 1770.