1840-09-09 - Mangkupraja kepada Sasradiningrat

Ringkasan: Pada hari Selasa saat menanti Kurnel Mestri hingga sore hari tidak ada lewat, akhirnya ditinggal pulang. Tetapi pada pukul 18.00 ada utusan supaya mengirim jemputan kuda dan orang-orang ke sebelah timur jembatan, sebab kuda Kurnel Mestri mogok. Ketika dijemput dari Kedungbanteng, Kurnel Mestri sudah sampai di Sambungmacan, dan beliau bermalam disana. Baru Rabu pagi pukul. 06.30 melanjutkan perjalanan, selama di Sambungmacan dalam keadaan selamat. Dan jika diperkenankan oleh residen, mohon ijin agar keretanya tidak dijalankan selama 1 bulan.

Kula nuwun, atur kula Radèn Tumênggung Mangkupraja, ingkang sawêg anglampahi ayahan dalêm. Anindhihi damêl karêtêg utawi radinan tanah Sokawati ingkang mugi kaunjuk ingkang panjênêngan, Kiyai Lurah Kangjêng Rahadèn Adipati Sasradiningrat.

Awiyos, kula ngaturi uninga, ing dintên Salasa, anggèn kula wontên ing tunggul angêntosi saudara dalêm Tuwan Kurnèl Mêstri, ngantos kèndêl pukul sakawan. Botên wontên langkung, kula kalihan Radèn Tumênggung Prawiranagara, lajêng sami mantuk dhatêng pasanggrahan sarêng antawis kèndêl pukul ênêm, Tuwan Kurnèl utusan dhatêng kula asuka uninga, yèn kèndêl wontên sawetan kêrtêg Kênatan. Kalihan anêdha pêthuk kapal utawi têtiyang, amargi kapalipun rakitan popo, botên sagêt lumampah, kula lajêng utusan mêthuk kapal tumpakan, lêmbu kalih rakit, tiyang kuli kalih dasa, kula lajêng utusan dhatêng Kêdhungbanthèng, mundhut kagungan dalêm kapal rakitan. Sarêng dhatêng wontên Sambêtsima kagungan dalêm kapal wau tumuntên kula pêthukakên malih, mênggah saudara dalêm sampun wontên Sambêtsima, dhatêngipun satêngah wolu, numpak [numpa...]

[...k] kapal kimawon. Titihanipun kareta, kalihan bèndi, dhatêngipun wontên Sambêtsima sarêng jam sawêlas dalu, saudara dalêm Tuwan Kurnèl lajêng nyare wontên Sambêtsima sêdalu, mênggah anggèn kula sêsaos dhahar utawi pasarean kados botên damêl kalingsêman dalêm. Mênggah angkatipun sangking Sambêtsima Rêbo enjing wanci satêngah pitu, saudara dalêm sawontênipun Sambêtsima wilujêng, kaping kalih mênawi marêngi karsanipun kangjêng tuwan residhèn. Kula nuwun kèndêlipun lampahing kareta, laminipun sawulan kawit Saptu.

Kasêrat Rêbo kaping 12 wulan Rêjêb taun Be ăngka 1768.