1838-05-07 - Sasradiningrat kepada Residen Surakarta

Ringkasan: Gugatan Tuan Likardi kepada R. Rangga Mangundipura, gugatan Ngabei Dipawijaya kepada Tuan Likardi, serta gugatan Iman Raji kepada Ki Murtaya atau Kyai Jimat di Lawiyan. Setelah diadakan permufakatan dengan Tumenggung Amongpraja, disarankan diselesaikan dengan damai, karena hal itu merupakan perseteruan antara warga dengan lurahnya masing-masing.

Atur tabe kula saha kaurmatan akathah-kathah, Kangjêng Radèn Adipati Sasradiningrat. Katur kangjêng tuwan mayor, residhèn ing Surakarta Adiningrat.

Sasampuning kadya punika wiyosipun, kula angaturakên sêrat rèngrèng badhe karampungan, prakawis Tuwan Likardi, gènipun anggugat dhatêng Radèn Răngga Mangundipura, kaping kalih prakawis Ngabèi Dipawijaya, gènipun anggugat dhatêng Tuwan Likardi, kaping tiga prakawisipun Iman Raji, gènipun anggugat dhatêng Ki Murtaja ing Nglawiyan. Utawi anggugat dhatêng Kyai Jimat ing Nglawiyan.

Ingkang punika mênggah pangrêmbag kula rèngrèng karampungan wau, kalihan abdi dalêm wadana jêksa Radèn Tumênggung Amongpraja, sakancanipun. Saha mupakat abdi dalêm wadana jawi lêbêt sadaya, mênggah prakawis tigang bab wau, sami kapêndhêtakên karampungan sangking rukun. Mila sapunika awit têtiyang ingkang sami gadhah atur gugat utawi ingkang dipun gugat, prakawisipun sami sêkuthu, têtiyang pabên kalih lêlurah bêkêlipun [bê...]

[...kêlipun] piyambak-piyambak.

Wondening mênggah sêrat rèngrèng badhe karampungan wau, kalihan sêrat aturipun ingkang sami agadhah prakawis sadaya, inggih kula aturakên ing kangjêng tuwan residhèn. Asarêng kalihan sêrat kula punika, ingkang mugi kapariksaa ingkang têrang, kula sumăngga panggalihipun kangjêng tuwan residhèn. Kula nyuwun dhawah.

Katur ing dintên Sênèn kaping 12 wulan Sapar taun Je ăngka 1766.