Martanagara kepada Parentah Pasowan Mangu, 5 Oktober 1837
Pencarian Teks
Lingkup pencarian: teks dan catatan-kakinya. Teks pencarian: 2-24 karakter. Filter pencarian: huruf besar/kecil, diakritik serta pungtuasi diabaikan; karakter [?] dapat digunakan sebagai pengganti zero atau satu huruf sembarang; simbol wildcard [*] dapat digunakan sebagai pengganti zero atau sejumlah karakter termasuk spasi; mengakomodasi variasi ejaan, antara lain [dj : j, tj : c, j : y, oe : u, d : dh, t : th].
Ringkasan: Laporan dari Tumenggung Mertanagara yang digugat oleh Tuan Gilis Areman ke pengadilan Kepatihan, yang dianggap tidak dapat menyelesaikan masalah dari Demang Wiryadimeja. Demang Wiryadimeja memboikot dan pergi, akhirnya para bekel kehilangan pekerjaan. Oleh Gilis Areman akan diganti oleh Demang Mangundikrama, setelah siap dilantik, Demang Wiryadimeja muncul lagi, akhirnya batal. Sebab-sebab Demang Wiryadimeja memboikot, karena ingin tanah garapannya ditambah dari 3 bahu menjadi 4 bahu.
Atur kawula abdi dalêm pun Tumênggung Martanagara, konjuk ing parentah agêng, Pasowan Mangu Kapatihan.
Kawula kagugat kalihan Tuwan Gilis Arêman, kagalih botên sagêd angrampungi prakawis siti dhusun ing Ngupit, ngantos kèdêl[1] sabarang damêlipun, babêkêl tiyang alit sadaya.
Ingkang punika atur kawula, nalaripun ingkang wau, sawêg wulan Sapar dintên tanggalipun kawula supèn, taksih tunggil taun Jimawal punika, kawula katamuan Tuwan Gilis Arêman. Gadhah pitêmbungan, manawi Dêmang Wiryadimêja minggat saking bale griyanipun. Sampun antawis 45 dintên, badhe nanêm Dêmang Upsindêr Mangundikrama anêdha idi, kalihan nêdha jajênêng pananêmipun wau, kawula mangsuli tak pirsanane dhisik, tuwan mangsuli wis ora susah wis lawas inggate, dhasar wis tak saidake inggate Wiryadimêja, tumuntên kawula bêktani jajênêng ajidan tukang prêrês, saantukipun ajidan tukang prêrês. Lapur dhatêng kawula, angsalipun ajênêngi nanêm Dêmang Upsindêr Mangundikrama, sande botên siyos. Sabab Dêmang Wiryadimêja wontên. Ingkang sarta katanêman botên suka, ingkang katanêm botên purun. Ingkang kaping 2, kawula andikakakên amrayogi, têdhènipun Dêmang Wiryadimêja, ingkang wau têdhènipun siti 3 bahu dèrèng narimah, panuwunipun kadosa kakêbaranipun, siti ingkang wontên Tuwan Bale Drik Wilêm Pultir, bawah Mangunnagaran, ingkang dados têdhènipun dêmang upsindêr siti 6 bahu, ananging Tuwan Bale Drik Wilêm Pultir, botên gadhah upsindêr Wêlandi. Ingkang punika atur kawula, ingkang dados têdhènipun Dêmang Wiryadimêja 4 bahu, sarèhning sampun wontêk[2] kêbaranipun, amung kauningana ing parentah, Dêmang Wiryadimêja angsalipun ngêkahi angandhêg sabarang damêlipun babêkêl utawi tiyang alit sadaya. Kaping 2, Dêmang Wiryadimêja kawula timbali kaping pintên-pintên botên purun, ngantos kawula nêdha jajênêng kanthi utusanipun Mas Tumênggung Mangunnagara ambal kaping 3, wangsulanipun Dêmang Wiryadimêja, purun katimbalan. Yèn wontên ingkang nanggêl awakipun, botên gadhah atur murwat têdhènipun, kalihan sadèrèngipun ing Ngupit kapaosan Tuwan Gilis Arêman, Dêmang Wiryadimêja botên mawi kawula panci têdhènipun.
Kaping 3, Dêmang Wiryadimêja asalipun angêkahi angandhêg sabarang damêlipun ing tiyang, botên mawi lapur dhatêng ing kawula, wondening saking pamanah kawula, pun Wiryadimêja wau kawula anêtêpakên inggatipun, amargi saking botên kasanggi barang damêlipun, kalihan têtêpipun pun Wiryadimêja kalêpatan anggènipun amacaki sabarang damêlipun ing tiyang dhusun. Ingkang punika kawula nuwun sumăngga ing parentah agêng.
Kasêrat ing dintên Kêmis tanggal kaping 5 wulan Rêjêp taun Jimawal ăngka 1765.
| 1 | kèndêl. (kembali) |
| 2 | wontên. (kembali) |