Abdi Dalem Gedong Tengen kepada Kiyai Lurah Bendara Raden Tumenggung Suradilaga, 16 September 1839

Ringkasan: Laporan para abdi dalem gedong tengen kepada Lurah R.T. Suradilaga, tentang:
1. Ngabei Wirapraja dan Ngabei Wirasetata mendukung perbuatan yang tidak benar terhadap Kyai bekel R. Ng. Sumadipura.
2. Kedua orang tersebut berwatak penjilat/bermuka dua.
3. Sering melakukan perbuatan yang tidak jujur terhadap para abdi.
4. Suka menggelapkan uang pemberian dari kantor, meminjamkan uang dengan bunga tinggi (di luar batas) terhadap para abdi.
5. Pembagian uang sering diingkari.
6. Pembagian uang Rp. 21, dipinjamkan dan disuruh mengembalikan Rp. 20 | Rp. 25 setiap bulan.
7. Berjanji akan melaksanakan jaga, tetapi belum pernah melaksanakan.
8. Kedua orang itu berani merusak tatanan/peraturan kabupaten. Oleh karena terlalu banyak kesalahannya, maka kebijaksanaan R.T. Suradilaga yang diharapkan.

Atur kawula, abdi dalêm panèwu, abdi dalêm mantri, abdi dalêm kabayan jajar, ing gêdhong têngên sadaya, katur ing parentah, Kiyai Lurah Bêndara Rahadèn Tumênggung Suradilaga.

Ingkang sami kawula aturakên, kănca kawula, panèwu Ngabèi Wirapraja, kalih kănca kawula, panèwu sadasa, Ngabèi Wirasêtata, priyantun kalih punika, sami purun- purun angombyongi biyantoni nalar ingkang botên lêrês, dhatêng Kiyai Bêkêl Radèn Ngabèi Sumadipura.

Kaping kalih purun-purun manawi wontên ngarsanipun kiyai lurah, angawonakên dhatêng kiyai bêkêl, mnawi[1] wontên ngarsanipun kiyai bêkêl, angawonakên panjênênganipun Kyai Lurah, Bêndara Rahadèn Tumênggung Suradilaga, ing salamèn-lamènipun.

Kaping tiga asring purun-purun parentah doracara, dhatêng abdi dalêm kawula sadaya, ing salamèn-lamènipun.

Kaping sakawan apurun-purun angrêsahi yatra paring dalêm yatra ingkang mêdal saking kantor, anêbasakên, botên kêrang,[2] panjênênganipun kyai lurah, panicilipun ing sabên-sabên wulan, langkung saking takêr, ingkang sampun kabage, sambutan dhatêng abdi dalêm sadaya, ing salamèn-lamènipun.

Kaping gangsal mênggah pambagenipun yatra sambutan, ing wingking dèrèng

kabage, ing ngajêng sampun nicil, panicilipun langkung saking takêr.

Kaping nêm bageanipun yatra paring dalêm saking kantor, 21 rupiyah parentah, Ngabèi Wirapraja, anêbasakên panicilipun ing sawulan 20, utawi 25 rupiyah, ing salamènipun, etang dèrèng bayar takêr têdhak, ngajêng wingking.

Kaping pitu, jaji[3] ing ngajêng Ngabèi Wirapraja, angladosi takêr têdhak, ingkang punika dèrèng nate angladosi takêr têdhak ing salamèn-lamènipun, awit sarêng kawêdalipun yatra paring dalêm sapisan, dumugènipun ing sapunika.

Kaping sanga[4] Ngabèi Wirapraja, Ngabèi Wirasatata, purun-purun angrêsahi bibrah tata, ing kabopatèn ing gêdhong têngên.

Ingkang punika bêndara, sarèhning prayantun kalih wau, sampun sami kula amastani, anglangkungi saking kathah lêpatipun, kawula sumăngga ing parentah, Kyai Lurah Bêndara Rahadèn Tumênggung Suradilaga.

Sinêrat ditên Sênèn kaping 8 wulan Rêjêp ing taun Dal ăngka 1767.