Pengumuman pergantian Residen Surakarta, Tuan Aretman menggantikan J.F.T. Mayor, 21 Agustus 1843

Ringkasan: Pernyataan mayor di gedung residen, bahwa atas keputusan gubernur jendral:
1. Mayor dipindah tugaskan di Besuki sebagai residen.
2. Hartman diangkat sebagai penggantinya menjadi residen di Surakarta.
Oleh sebab itu, ia mengucapkan terima kasih kepada para pegawainya yang telah banyak membantu, dan berharap agar mereka tetap setia kepada Aretman seperti halnya setia kepadanya. Begitu pula kepada Aretman, ia berharap untuk suka menolong kepada bawahannya. Pada bagian lain, Aretman juga dengan senang hati menerima tugas baru itu, dan ia berjanji akan selalu memberi pertolongan kepada bawahannya yang sesuai dengan pengabdiannya.

Mila para tuwan -tuwan, akalihan priyagung santana ing Surakarta, kula aturi dhumatêng ing loji paresidhenan, prêlunipun amung kula badhe anyêrêpakên kalayan kaurmatan, ijêmaning sêrat kêkancinganipun kangjêng tuwan guphrênur jendral, ingkang katitimangsan kaping 21 wulan Agustus taun 1843, ăngka 1, mênggah ijêmanipun ing ngandhap punika.

Kang 1, tuwan mayor residhèn ing Surakarta, kakarsakake dadi residhèn ing Basuki.[1]

Kang 2, Tuwan Arêtman residhèn ing Kêdhu, kakarsakake dadi residhèn ing Surakarta.

Ing mangke kula amasrahakên panguwasa kula ing Surakarta dhumatêng Tuwan Arêtman, sarta sangêt ing panêdha kula dhumatêng gêgolongan kula anyêpêng padamêlan, amargi saking têmên-têmên anggènipun ambiyantoni dhumatêng kula, punapa malih sakalangkung-langkung panêdha kula dhumatêng priyagung ing Surakarta, saking tansah pracayanipun dhumatêng kula.

Kula anamtokakên, yèn Tuwan Arêtman, ingkang anggêntosi kula, saha ingkang sinungga-sunggga ing akathah, ing salêbêting padamêlan ingkang sampun linampahan, badhe amanggih biyantu, saha kapracaya, kados kula, sarta kula inggih anamtokakên, yèn Tuwan Arêtman wau badhe têmên-têmên amitulungi dhumatêng sawarnining têtiyang, ing samukawis ingkang nama pantês.

Wusana kula amratelakakên, yèn amargi saking sêrat [sêr...]

[...at]

kêkancinganipun kangjêng tuwan guprênur jendral, ingkang sampun kasêbut ing ngajêng wau, Tuwan Arêtman wau ing sapunika têtêp dados residhèn ing Surakarta.

Ing mangke andadosakên suka pirênaning manah kula, anampèni pasrahipun tuwan mayor, panyêpêngipun panguwasa ing Surakarta, ingkang amargi saking sêrat kêkancinganipun kangjêng tuwan guphrênur jendral, ingkang katitimangsan kaping 21 wulan Agustus taun 1843, ăngka 1, saha kula anamtokakên, yèn kula badhe amanggih biyantu, sarta kapracaya, kados tuwan mayor ingkang kula gêntosi, kalih dening para tuwan-tuwan, tuwin para priyagung santana mugi sami apikajênga, yèn kula têmên-têmên badhe amitulungi dhumatêng sawarnining têtiyang, ing samubarang prakawis ingkang nama pantês.