Prawira Adinagara, Pigeaud, 1953, #1425
Pencarian Teks
Lingkup pencarian: teks dan catatan-kakinya. Teks pencarian: 2-24 karakter. Filter pencarian: huruf besar/kecil, diakritik serta pungtuasi diabaikan; karakter [?] dapat digunakan sebagai pengganti zero atau satu huruf sembarang; simbol wildcard [*] dapat digunakan sebagai pengganti zero atau sejumlah karakter termasuk spasi; mengakomodasi variasi ejaan, antara lain [dj : j, tj : c, j : y, oe : u, d : dh, t : th].
Panêmbrama dhumatêng Kangjêng Pangeran Arya Prawira Adinagara
1. Căndrawilasita
1. pantisewa candrama tanggaping warsa | wêwangsalan sinêkarkên surarêtna | gori wrêdha panênggak Hyang Girinata | kang minăngka nambrama kang wau prapta ||
2. krama wrêksa jarwa araning kang praja | Kangjêng Pangran Prawira Adinagara | rasa puspa nata wimba parisuka | ing Madura ingkang saking acangkrama ||
3. jarwa laga sudarma Sang Hyang Nurcahya | lawan Kangjêng Pangeran Găndasiswara | parab Karna prajane Sri Basudewa | tuwin putra kêkalih saking Madura ||
4. purwa tanya wiku dyah nagri Jênggala | punapa ta sadaya sami raharja |
--- 4: 130 ---
Madrim suta puspita arum kang gănda | kula bingah sukur dene tan sangsara ||
5. wrêksa krêsna gawar pangiringing mina | bilih parêng mugi paringa pawarta | minta darwa krama bênduning bêndara | kadospundi gèn paduka mêmariksa ||
6. dhepok raja panggrenda sranduning ngrangga | pasanggrahan ingkang sami urut marga | krawu patra kang wastra panglimut nendra | gudhung-gudhang tuwin êmul sadayanya ||
7. langsêp seta kang curi pinggir samodra | dhukuh dhusun pakarangan palakirna | taman desa gêndul pasagi kang warna | kêbon kopi punapa sae sadaya ||
8. saka palwa curiga agêm wanita | tiyang dhusun punapa têntrêm gêgriya | dêlêg wrêksa ciri asmaning nawala | wit punika tăndha sumrambahing arja ||
9. krai gora patih jaba ing Madura | ingkang măngka sêrananira gaota |
--- 4: 131 ---
mulwa rêngka basa kawining nagara | karyanira kinarya anyanggi praja ||
10. wusing karya ancur gêdhah paku wrêksa | dados sami sarasa tumut anêdha | traju karsa nata baya kêdhung surya | saking adil mila sadaya rumêksa ||
11. ngajap karsa narendra Biraji praja | mila saking pangajêng-ajênging driya | laron seta pasiran kang sabèng rawa | kaprênatan ing têmbe mugi lulusa ||
12. căndrawela parabe Wisnu Bathara | titi purna cinitra ing ari Buda | cêngkir wana jawataning sasadara | sasi Sawal nêmlikur ingkang candrama ||
13. mancal toya parabe Sang Hyang Berawa | ing taun Dal sangkala ingkang winarna | mindêng cipta tanaya Pandhita Durna | pujanira barakan ngèsthi utama |[1][2]|
| 1 | § Taun Jawi 1807, taun Walandi 1887 [sic], wulan Oktobêr. (kembali) |
| 2 | Tanggal: Buda (Rêbo) nêmlikur (26) Sawal Dal: pujinira barakan ngèsthi utama (AJ 1807). Tanggal Masehi: 23 Oktober 1878. (kembali) |