Cênthini, Kamajaya, 1985–91, #761 (Jilid 07: Pupuh 385–388)

1.	Cênthini, Kamajaya, 1985–91, #761 (Jilid 01: Pupuh 001–023). Kategori: Kisah, Cerita dan Kronikal > Sêrat Cênthini.
2.	Cênthini, Kamajaya, 1985–91, #761 (Jilid 01: Pupuh 024–039). Kategori: Kisah, Cerita dan Kronikal > Sêrat Cênthini.
3.	Cênthini, Kamajaya, 1985–91, #761 (Jilid 01: Pupuh 040–057). Kategori: Kisah, Cerita dan Kronikal > Sêrat Cênthini.
4.	Cênthini, Kamajaya, 1985–91, #761 (Jilid 01: Pupuh 058–073). Kategori: Kisah, Cerita dan Kronikal > Sêrat Cênthini.
5.	Cênthini, Kamajaya, 1985–91, #761 (Jilid 01: Pupuh 074–087). Kategori: Kisah, Cerita dan Kronikal > Sêrat Cênthini.
6.	Cênthini, Kamajaya, 1985–91, #761 (Jilid 02: Pupuh 088–107). Kategori: Kisah, Cerita dan Kronikal > Sêrat Cênthini.
7.	Cênthini, Kamajaya, 1985–91, #761 (Jilid 02: Pupuh 108–125). Kategori: Kisah, Cerita dan Kronikal > Sêrat Cênthini.
8.	Cênthini, Kamajaya, 1985–91, #761 (Jilid 02: Pupuh 126–142). Kategori: Kisah, Cerita dan Kronikal > Sêrat Cênthini.
9.	Cênthini, Kamajaya, 1985–91, #761 (Jilid 02: Pupuh 143–158). Kategori: Kisah, Cerita dan Kronikal > Sêrat Cênthini.
10.	Cênthini, Kamajaya, 1985–91, #761 (Jilid 02: Pupuh 159–174). Kategori: Kisah, Cerita dan Kronikal > Sêrat Cênthini.
11.	Cênthini, Kamajaya, 1985–91, #761 (Jilid 03: Pupuh 175–190). Kategori: Kisah, Cerita dan Kronikal > Sêrat Cênthini.
12.	Cênthini, Kamajaya, 1985–91, #761 (Jilid 03: Pupuh 191–207). Kategori: Kisah, Cerita dan Kronikal > Sêrat Cênthini.
13.	Cênthini, Kamajaya, 1985–91, #761 (Jilid 03: Pupuh 208–223). Kategori: Kisah, Cerita dan Kronikal > Sêrat Cênthini.
14.	Cênthini, Kamajaya, 1985–91, #761 (Jilid 03: Pupuh 224–238). Kategori: Kisah, Cerita dan Kronikal > Sêrat Cênthini.
15.	Cênthini, Kamajaya, 1985–91, #761 (Jilid 03: Pupuh 239–256). Kategori: Kisah, Cerita dan Kronikal > Sêrat Cênthini.
16.	Cênthini, Kamajaya, 1985–91, #761 (Jilid 04: Pupuh 257–272). Kategori: Kisah, Cerita dan Kronikal > Sêrat Cênthini.
17.	Cênthini, Kamajaya, 1985–91, #761 (Jilid 04: Pupuh 273–281). Kategori: Kisah, Cerita dan Kronikal > Sêrat Cênthini.
18.	Cênthini, Kamajaya, 1985–91, #761 (Jilid 04: Pupuh 282–293). Kategori: Kisah, Cerita dan Kronikal > Sêrat Cênthini.
19.	Cênthini, Kamajaya, 1985–91, #761 (Jilid 04: Pupuh 294–308). Kategori: Kisah, Cerita dan Kronikal > Sêrat Cênthini.
20.	Cênthini, Kamajaya, 1985–91, #761 (Jilid 04: Pupuh 309–321). Kategori: Kisah, Cerita dan Kronikal > Sêrat Cênthini.
21.	Cênthini, Kamajaya, 1985–91, #761 (Jilid 05: Pupuh 321–332). Kategori: Kisah, Cerita dan Kronikal > Sêrat Cênthini.
22.	Cênthini, Kamajaya, 1985–91, #761 (Jilid 05: Pupuh 333–349). Kategori: Kisah, Cerita dan Kronikal > Sêrat Cênthini.
23.	Cênthini, Kamajaya, 1985–91, #761 (Jilid 05: Pupuh 350–352). Kategori: Kisah, Cerita dan Kronikal > Sêrat Cênthini.
24.	Cênthini, Kamajaya, 1985–91, #761 (Jilid 05: Pupuh 353–355). Kategori: Kisah, Cerita dan Kronikal > Sêrat Cênthini.
25.	Cênthini, Kamajaya, 1985–91, #761 (Jilid 05: Pupuh 356). Kategori: Kisah, Cerita dan Kronikal > Sêrat Cênthini.
26.	Cênthini, Kamajaya, 1985–91, #761 (Jilid 06: Pupuh 357–358). Kategori: Kisah, Cerita dan Kronikal > Sêrat Cênthini.
27.	Cênthini, Kamajaya, 1985–91, #761 (Jilid 06: Pupuh 359–361). Kategori: Kisah, Cerita dan Kronikal > Sêrat Cênthini.
28.	Cênthini, Kamajaya, 1985–91, #761 (Jilid 06: Pupuh 362–364). Kategori: Kisah, Cerita dan Kronikal > Sêrat Cênthini.
29.	Cênthini, Kamajaya, 1985–91, #761 (Jilid 06: Pupuh 365–367). Kategori: Kisah, Cerita dan Kronikal > Sêrat Cênthini.
30.	Cênthini, Kamajaya, 1985–91, #761 (Jilid 06: Pupuh 368–372). Kategori: Kisah, Cerita dan Kronikal > Sêrat Cênthini.
31.	Cênthini, Kamajaya, 1985–91, #761 (Jilid 07: Pupuh 373–376). Kategori: Kisah, Cerita dan Kronikal > Sêrat Cênthini.
32.	Cênthini, Kamajaya, 1985–91, #761 (Jilid 07: Pupuh 377–382). Kategori: Kisah, Cerita dan Kronikal > Sêrat Cênthini.
33.	Cênthini, Kamajaya, 1985–91, #761 (Jilid 07: Pupuh 383–384). Kategori: Kisah, Cerita dan Kronikal > Sêrat Cênthini.
34.	Cênthini, Kamajaya, 1985–91, #761 (Jilid 07: Pupuh 385–388). Kategori: Kisah, Cerita dan Kronikal > Sêrat Cênthini.
35.	Cênthini, Kamajaya, 1985–91, #761 (Jilid 07: Pupuh 389–403). Kategori: Kisah, Cerita dan Kronikal > Sêrat Cênthini.
36.	Cênthini, Kamajaya, 1985–91, #761 (Jilid 08: Pupuh 404–427). Kategori: Kisah, Cerita dan Kronikal > Sêrat Cênthini.
37.	Cênthini, Kamajaya, 1985–91, #761 (Jilid 08: Pupuh 428–443). Kategori: Kisah, Cerita dan Kronikal > Sêrat Cênthini.
38.	Cênthini, Kamajaya, 1985–91, #761 (Jilid 08: Pupuh 444–456). Kategori: Kisah, Cerita dan Kronikal > Sêrat Cênthini.
39.	Cênthini, Kamajaya, 1985–91, #761 (Jilid 08: Pupuh 457–477). Kategori: Kisah, Cerita dan Kronikal > Sêrat Cênthini.
40.	Cênthini, Kamajaya, 1985–91, #761 (Jilid 08: Pupuh 478–506). Kategori: Kisah, Cerita dan Kronikal > Sêrat Cênthini.
41.	Cênthini, Kamajaya, 1985–91, #761 (Jilid 09: Pupuh 507–526). Kategori: Kisah, Cerita dan Kronikal > Sêrat Cênthini.
42.	Cênthini, Kamajaya, 1985–91, #761 (Jilid 09: Pupuh 527–547). Kategori: Kisah, Cerita dan Kronikal > Sêrat Cênthini.
43.	Cênthini, Kamajaya, 1985–91, #761 (Jilid 09: Pupuh 548–567). Kategori: Kisah, Cerita dan Kronikal > Sêrat Cênthini.
44.	Cênthini, Kamajaya, 1985–91, #761 (Jilid 09: Pupuh 568–583). Kategori: Kisah, Cerita dan Kronikal > Sêrat Cênthini.
45.	Cênthini, Kamajaya, 1985–91, #761 (Jilid 09: Pupuh 584–599). Kategori: Kisah, Cerita dan Kronikal > Sêrat Cênthini.
46.	Cênthini, Kamajaya, 1985–91, #761 (Jilid 10: Pupuh 600–607). Kategori: Kisah, Cerita dan Kronikal > Sêrat Cênthini.
47.	Cênthini, Kamajaya, 1985–91, #761 (Jilid 10: Pupuh 608–614). Kategori: Kisah, Cerita dan Kronikal > Sêrat Cênthini.
48.	Cênthini, Kamajaya, 1985–91, #761 (Jilid 10: Pupuh 615–618). Kategori: Kisah, Cerita dan Kronikal > Sêrat Cênthini.
49.	Cênthini, Kamajaya, 1985–91, #761 (Jilid 10: Pupuh 619–626). Kategori: Kisah, Cerita dan Kronikal > Sêrat Cênthini.
50.	Cênthini, Kamajaya, 1985–91, #761 (Jilid 10: Pupuh 627–637). Kategori: Kisah, Cerita dan Kronikal > Sêrat Cênthini.
51.	Cênthini, Kamajaya, 1985–91, #761 (Jilid 11: Pupuh 638–651). Kategori: Kisah, Cerita dan Kronikal > Sêrat Cênthini.
52.	Cênthini, Kamajaya, 1985–91, #761 (Jilid 11: Pupuh 652–665). Kategori: Kisah, Cerita dan Kronikal > Sêrat Cênthini.
53.	Cênthini, Kamajaya, 1985–91, #761 (Jilid 11: Pupuh 666–671). Kategori: Kisah, Cerita dan Kronikal > Sêrat Cênthini.
54.	Cênthini, Kamajaya, 1985–91, #761 (Jilid 11: Pupuh 672–678). Kategori: Kisah, Cerita dan Kronikal > Sêrat Cênthini.
55.	Cênthini, Kamajaya, 1985–91, #761 (Jilid 11: Pupuh 679–690). Kategori: Kisah, Cerita dan Kronikal > Sêrat Cênthini.
56.	Cênthini, Kamajaya, 1985–91, #761 (Jilid 12: Pupuh 691–694). Kategori: Kisah, Cerita dan Kronikal > Sêrat Cênthini.
57.	Cênthini, Kamajaya, 1985–91, #761 (Jilid 12: Pupuh 695–703). Kategori: Kisah, Cerita dan Kronikal > Sêrat Cênthini.
58.	Cênthini, Kamajaya, 1985–91, #761 (Jilid 12: Pupuh 704–707). Kategori: Kisah, Cerita dan Kronikal > Sêrat Cênthini.
59.	Cênthini, Kamajaya, 1985–91, #761 (Jilid 12: Pupuh 708). Kategori: Kisah, Cerita dan Kronikal > Sêrat Cênthini.
60.	Cênthini, Kamajaya, 1985–91, #761 (Jilid 12: Pupuh 709–722). Kategori: Kisah, Cerita dan Kronikal > Sêrat Cênthini.

Citra

Terakhir diubah: 26-06-2022

Pencarian Teks

Lingkup pencarian: teks dan catatan-kakinya. Teks pencarian: 2-24 karakter. Filter pencarian: huruf besar/kecil, diakritik serta pungtuasi diabaikan; karakter [?] dapat digunakan sebagai pengganti zero atau satu huruf sembarang; simbol wildcard [*] dapat digunakan sebagai pengganti zero atau sejumlah karakter termasuk spasi; mengakomodasi variasi ejaan, antara lain [dj : j, tj : c, j : y, oe : u, d : dh, t : th].

385. Maskumambang

1. Gya sinambut binêkta mring tilamsari | ginunturan sabda | sang dyah tan sawalèng kapti | makum pancadriyasmara ||

2. Lungiding turidèng rêsmi kang ginati | makaming Aminah | Salamah Kotijah jati | makam Patimah Ngasiyah ||

3. Sarira nglês bêbalung lir dènlolosi | syuh rêmpu kalihnya | tan karkat angganirèki | watgata jatining uswa ||

4. Aluwaran sang ayu sinambut ririh | binêktèng patirtan | pan samya ashar kadasi | Cênthini anampa wastra ||

--- 7 : 141 ---

5. Pungun-pungun sang ro lir sawung kapilis | pulasing sungkawa | angawêngi ing ngawingit | sawusira apasatan ||

6. Tumama malih maring tilam-wangi |[1] sarwi sasareyan | kalih kulinèng jinêmrik | mawarga milutèng garwa ||

7. Kinêrêkêt ing ngangga sinabda manis | Nikèn Tambangraras | kerup ing tyas èsmu arip | alayap kaeca nendra ||

8. Dyan sinarèkakên munggèng langênsari | wanci wus anggagat | dyah kêpati dènnya guling | wus ingapit kajang sirah ||

9. Sang mong-wuyung nimbali santrinya kalih | bêktane waunya | sing Karang Ki Jamal Jamil | lah ki santri payo lunga ||

10. Ki Sèh Amongraga karya surat aglis | kang tika titiga | tiningkêm wus dèn-cirèni | satunggal mungêl mring sêrat ||

11. Kang satunggil ciri mungêl mring kang rayi | Jèngrèsmi Jèngraga | srat kang satunggil malih |[2] ciri mungêl mring kang rama ||

12. Sinèlèhkên wulu uloning aguling | sang kakung angraras[3] | ngling ririh kariya yayi | manirarsa anglêlana ||

13. Ki Sèh luhung Mongraga tumurun aris | parèstri kang nendra | nèng jarambah myang Cênthini | sidhêku nèng waton tilam ||

14. Sèh Mongraga alon mêngakakên kori | kang anèng paningrat | Jamal Jamil gya umiring | mêdal kori bubutulan ||

15. Sakathahing manuk ingon ingkang muni | kang putêr bênggala | prêkutut dara Parêsi | sêndhêt unine tan sora ||

16. Cakikèring kate bêkisar nyaririt | isthaning wangsitan | ajwa na asru-sru[4] muni | lamun kagyat kang anendra ||

17. Sèh Mongraga kang lagya nilap ing rabi | kadhone tyas mêlang | amuwuhi gênging kingkin | kang arsa nis kapalangan ||

18. Mila samya unining pêksi aririh | wênèh èsthanira | bêndara wurungêna nis | garwanta Ni Tambangraras ||

19. Pêsthi sangêt nandhang papa gung prihatin | pisah lawan priya | lagya nêdhênge among sih | lamun ngucapa mangkana ||

--- 7 : 142 ---

20. Yata wanci wêktu Subuh dènnya mijil | praptèng jawi dhadhah | kèndêl satêpining kali | asalat Subuh nèng sela ||

21. Wus paragat dènnira asalat sami | anulya amangkat | Jamal Jamil tansèng wuri | minggah palêstrèn narmada ||

22. Wus mêsat ing pêpèrèng napak têtêgil | nurut pêgalêngan | pagudhèn pagagan sabin | lampahe awirandhungan ||

23. Pan samarga Mongraga mandhêg anolih | katingal kang garwa | duk tinilar maksih guling | katon trêsnane kalintang ||

24. Yata wau kang mahawan Sèh Mongragi | lawan santrinira | tan ana baya kaèksi | eca dènnira lumampah ||

25. Mèh raina sêmu bang ing pajar sidik | ima malang maya | lir lungsiring tilamsari | drawela langêning wiyat ||

26. Ngalèr-ngetan sêdya nut pinggir pasisir | Hyang Surya sumirat | kawêngan pêdhut ngampaki | adhêming bun kang kêsrampat ||

27. Awurahan gumêdêr swaraning pêksi | bubut lan kêpodhang | cingcinggoling lan srigunting | cuciyun manyar branjangan ||

28. Jagigèring sata-wana lir malangi | mring kang lagya linggar | wangsula aywa ja anis | garwanta kawêlas-arsa ||

29. Miwah panggrahing[5] sawung dhusun kapyarsi | saking pêlinggaran | tutuhu kolik mêlingi | lir anguwuh kang wangsula ||

30. Byar raina sirat soroting Hyang Rawi | mrabani têkèng rat | ngalèbi rêngganing salir | Sèh Mongraga dènnya lampah ||

31. Ngancik wana têrataban anut margi | rêstari tumama | mêmangun manguning wingit | wus kapungkur padedesan ||

32. Pan angambah sasêngkan ing wana wukir | jurang jro mangunang | nut têmbinging lêmah miring | kapering parung ing ngarsa ||

33. Gêgêr mênggêr agra[6] gugur galêgêring | lata anggrêgancang | lumung lumut ambêlêti | lulut lumêkêt ing sela ||

--- 7 : 143 ---

34. Lyah iwah silak asiluk alêngki |[7] kèh pala kasimpar | parèng ing mangsa maèsi | kawarasan ing labuh pat ||

35. Sri panjrahing sari marururum amrik | abra patrah wijah | (m)bêlasah wohing gênitri | katragan gagar sumêbar ||

36. Bogêm bana cêmpaka dulan sulastri | myang kang kanigara | wilasa lan gandasuli | aglar ingkang anggrèk wulan ||

37. Jangga mure argula kang wora-wari | patra mênggala myang | landêp lawan sanggalangit | tanjung soka nagapuspa ||

38. Kang sridênta kalak kênanga kêmuning | lan prabu-setmata | mêlathi pudhak sisili | puspa capa lan kucila ||

39. Sang Mong-brangta napak ing sela tumawing | tumiling mèt awan | lir nambrama kang lunga nis | brêmara rèrèh manguswa ||

40. Angrêrêngih rêngu mrih ruruning sari | lir karunanira | kênya pinarwasèng gati | sang mong nêngkung alênglêngan ||

41. Tan cinatur yata kang kantun aguling | Nikèn Tambangraras | kêbanjur dènnira guling | kongsi byar dènnira nendra ||

42. Pêksi jalak cocak gulathik lan nori | gumêdêr cêrikan | lir mamungu kang aguling | dingarèn dènnira nendra ||

43. Lah wunguwa aywa kêpati aguling | tiwas rong prakara | dhihin pot Subuhirèki | pindho tinilar ing priya ||

44. Nikèn Tambangraras wungu dènnya guling | kagyat katêrangan | Hyang Haruna wus umijil | myat mring kang raka tan ana ||

45. Lir sinêmpal angganira tyas monêng nis | êpoting wêktunya | nyana tinilar ing laki | ngandika mring cèthinira ||

46. Kabêsturon têmên sirèku aguling | Ni Cênthini sigra | gêragapan dènnya tangi | kinèn ngucali[8] kang raka ||

47. Ingucalan[9] ing tajug panêpèn wingking | miwah ing patirtan | wus gêmêt dènnya ngulati | umatur mring Tambangraras ||

48. Tan kapangguh rakanta kula-ulati | Nikèn Tambangraras | duk myarsa ture Cênthini | mitênggêng tan kêna obah ||

--- 7 : 144 ---

49. Tyas bèriwut supêg tan ana sêtugi | sumumpêl anênggak | napas kabêbêg ing kapti | cumêkik niba bantala ||

50. Anggadêdêr ngacêcêng lir kayu aking | Cênthini (n)jrit sigra | ngrungkêbi padanirèki | anangis kalara-lara ||

51. Umyang kabèh tuwa nom parèstri nangis | Ki Bayi Panurta | kagyat sru swaraning tangis | lan garwa lumajêng ngetan ||

52. Tinigalan[10] kang putra sangêt tan eling | Malarsih karuna | kêna ngapa sira nini | têmahan sira kantaka ||

53. Kyai Bayi bêkuh-bêkuh dènnya nangis | gumrah jroning wisma | kapirêng saking ing jawi | Jayèngrêsmi Jayèngraga ||

54. Jalu èstri lumayu marang jro prapti | samyambung karuna | miwah ingkang para ari | sêntana pra santri prapta ||

55. Pêpêk jibêg jalu èstri samya nangis | tan wruh purwanira | gumêdêr arung anangis | Tambangraras tinangisan ||

56. Para tuwa Pangulu lawan Sêmbagi | Jumêna Jêmpina | gênti nêmbur anjampèni | ting salêmprot agêbrèsan ||

57. Jro pasuwuk sêsawanan angêcuwik | sêmbur dringo bawang | myang toya tuli ing canthing | miwah pra tuwèstri samya ||

58. Anêlusur sêsalang nyènèng thi-athi | sarya akaruna | kang mêtik pating jarêlih | tanpa rungwan kang karuna ||

59. Datan kêna sinapih pating jarêlih | Kiyai Panurta | lngling[11] wis wis aja anangis | mundhak amuwuhi susah ||

60. Nikèn Tambangraras kang dangu tan eling | sinundhang pra tuwa | nulya kêkêtêg katawis | tungtum napase kêsotan ||

61. Tambangraras nulyèngêt lara anangis | ingkang rama sigra | ngisêp êmbunne kang siwi | sarwi alon angandika ||

62. Pamulane sira kantaka kêpati | dhenok paran sira | binêndon lakinirèki | utawa katiban sada ||

63. Lawan lakinira Ki Sèh Amongragi | dene tan katingal | asênêtan anèng ngêndi | paran darunaning duka ||

64. Ni Malarsih angling lah matura nini | dinangu ramanta | aywa dera pijêr nangis | sarèhêna tyasmu rara ||

--- 7 : 145 ---

65. Tambangraras pêgat-pêgat matur aris | manêmbah ing rama | kawula tan sinung runtik | myang sada tumamèng ngangga ||

66. Datan wontên dêdukanipun sakêdhik | (n)Jêng rama putranta | tan antuk lamun ngulati | de kang dadya wod tyas amba ||

67. Putra tuwan lamun kawuwus sayêkti | linggar ing sasana | ngêlalu anglalana nis | tan wrin paranning kanêngan[12] ||

68. Duknya ratri dènnya ngikis sabda wingit | adrêng kawularsa | tumutur tan dèn lilani | sawusipun pranèng basa ||

69. Samya layap sakarongron lawan mami | manawi punika | sèstu lir linge duk ratri | de puwara datan ana ||

70. Kyai Bayi anjêtung tan kêna angling | miwah sadayanya | samya gêgêtun tan sipi | myarsa ture Tambangraras ||

71. Yata wau kucumbu cèthi Cênthini | duk wau kalanya | atrap wiwal ing guguling | myat thika nèng soring bantal ||

72. Tigang thika Cênthini kagyat ningali | anulya ingalap | ingaturkên ing (n)Jêng Kyai | Ki Bayi gupuh ngandika ||

73. Iku apa kang sira turkên ing mami | wus katur tinampan | putra ri samya ngungsêgi | yun myarsa bukaning sêrat ||

74. Kyai Bayi ningali alamatnèki | marang Tambangraras | satunggil mring rayi kalih | satunggil marang kang rama ||

75. Dyan binuka sastrane pegon angrawit | pan winaos sora | ungêling srat angalap sih | yayi Nikèn Tambangraras ||

76. Manira mit kariya bêktiyèng Widi | kang mutlak ing bengat | kang mapu[13] ing Suksma jati | sun lêlana andralaya ||

77. Angulati marang kadangira yayi | kang padha anglunga | kaboyong kalane jurit | duk bêdhahe Sukaraja ||

79. Yayi sira kang tawakup mring Hyang Widi | dèn-narimèng titah | ragèngsun srahêna Widi | sêdyèngsun pan nora lawas ||

80. Kyai Bayi Panurta (m)barêbês mili | mamacane magag | marêngkak sêrêt tan titis | kadho kadhot tyas kandhêhan ||

--- 7 : 146 ---

81. Jalu èstri sadaya samya anangis | netra tan ana sad | bêmbêng kumocor luh mijil | myang Jèngrêsmi Jayèngraga ||

82. Tingal abang lir Hyang Haruna umijil | bungkak marawayan | tyas koncatan lir piningit | suka cipta kinanthinya[15] ||

386. Kinanthi

1. Kang sêrat satunggilipun | pinaringkên putra kalih | Jayèngrêsmi anupiksa | Jèngraga tumut nungkuli | winaos sinukmèng driya | samun tan katarèng lathi ||

2. Pangaksamanta kang maklum | yayi kang langgêng pupuji | pupusing angga toh jiwa | tanpa dharat tanpa tasik | tan kêlêm datan kumambang | misesa anèng pribadi ||

3. Kadya antiganting sawung | ingêrêm titising wiji | narna[16] cumaning kasidan | dadya wuk maring kêjatin | nikmat rasaning galinggang | kang muhung brangti Hyang Widi ||

4. Têgêse kulinèng luhung | tan milih ênggon sawiji | nèng jamaning kasamunan | pasêmoning kang ahli wis | Jayèngrêsmi Jayèngraga | lir pinancas tyasnya kalih ||

5. Ungêling srat mring ramèbu | pan anor ing atur bêkti | nuwun sokuring pandonga | kagalatan ing pangikis | tan kobêr[17] atur uninga | kawula limput ing wingit ||

6. Karsaning Sang Kang Maha Gung | amba pinulah ing kêlir | winayang ing kawuyungan | marang Hyang Kang Maha Luwih | mangênês ing kaênêsan | narah kumambèng wanadri ||

7. Inggih pintên bangginipun | ramèbu myat anggamami | mugi sokur ing Hyang Suksma | tulusing amal kang salih | sindhêkah[18] jariyah pitrah | kang mêlêng mumulang pakir ||

--- 7 : 147 ---

8. Ki Bayi kalangkung ngunngun[19] | ngêlus-êlus jènggodnèki | kang srat tiningkêm kewala | anjêtung tan kêna angling | sarwi nênggak-nênggak waspa | angling angrês-rêssi kapti ||

9. Iya ta lah kang linuhung | astakpirulah[20] halalim | sun sidhêp nora mangkana | dene tan pracayèng kami | sadaya susah ing driya | Nikèn Tambangraras nangis ||

10. Wus tetela sang dyah ayu | yèn ingkang raka lunga nis | têbah jaja sambat pêjah | kalara-lara anangis | sadaya ambyung karuna | jalwèstri langkung prihatin ||

11. Ki Panurtèmêng ing kalbu | lah uwis mênênga sami | padha pupusên tyasira | takdir karsaning Hyang Widi | wedaning kawula êngam | tanpa wêkas gung prihatin ||

12. Wus mênênga sira gêndhuk | ywa pijêr (ng)giyêng anangis | arahêna maring Hyang Sukma |[21] kandêlna tekadirèki | aywanggung siranggêng brangta | ala kang tinêmu nini ||

13. Wis wis kabèh ywa kapiluh | kewala muliha sami | aja na prihatin dahat | maring kang alêlana nis | kang padhenak nambutkarya | lawas enggale pan mulih ||

14. Malah kang jumurung sokur | sapakolèh muji dhikir | nyêlamêtna lan sidhêkah | kang lunga lawan kang kari | ya kang padha duwe trêsna | kang lagya nis ing prihatin ||

15. Ingkang liningan umatur | sandika jalu lan èstri | samya pamit wus linilan | gya mundur bubaran mulih | sadaya sowang-sowangan | tan cinatur kang gung kingkin ||

16. Yata wau kang anglangut | ngalèr-ngetan wus pasisir | sira Ki Sèh Amongraga | lan santrinira kêkalih | tan arsa mampir padesan | umahas ing wana wukir ||

17. Ngambah jurang pèrèng parung | parang rong miring kapering | pring ori anggrit garotan | gumêrit katiyup angin | mawor krisiking cêmara | tampêking kalingan aking ||

18. Ngrapak kapidak kumrusuk | sêmpal gumropak pang garing | gigal papal kapalêsat | sumyur lir jamak binênthik | kabênthak palêthoking pang | ngrêbatang ngalangi margi ||

--- 7 : 148 ---

19. Lir prajurit prang kapupu | sèmpèr katibanan bindi | bêngkong lêmbu andaka |[22] kadya sambating akanin | jêjawi rambon andhapan | kidang manjangan lan kancil ||

20. Garêdhêging[23] mesa danu | anglir pambêrêging jurit | swabawaning singa nabda | krura krah anggo[24] ngajrihi | buron wana kabêrasat | bêsot lumayu anggêndring ||

21. Cênguk lutung rêbut dhucung | kikik ajag wawran wiwrin | uwa-uwa wêrangutan | bangkokan kapêngkok kontit | kapalang asalang-tunjang | kang nêrancag mènèk mêncit ||

22. Mesa-lawung (m)bêkos gedrug | samya pasang singat lungit | myang andaga agabrêsan | kênthus mathênthêng amathis | lir magoli kang sasaran | andanu kadya nglajêri ||

23. Anggabag samya (m)bêg purun | êmonge ngalewa ering | anggêrêng cakra[25] kêrukan | muringis[26] mikrisnya ngisis | amuwus ilu nêracas | nilap kumlepat kuncati ||

24. Laju lampahe sang Mong kung | lan santrine Jamal Jamil | buron wana èsthanira | basaning sato apênging | aja na wani nukarta | mring sang Adi lêlana nis ||

25. Sang monêng manêngkung wêtu | nèng pinggiring talaga di | munggèng sela sumayana | rêjasa gung kang ngayomi | bakda Lohor gya mahawan | awanting ing jurang curi ||

26. Margi rumpil papal pupul | pipil sêluk siluk sungil | asingub mangêb sumahab | dhukut srêsèwèhan warih | tibèng parang rong grènjèngan | mabun tampuning kang warih ||

27. Linut kandhas ing atrêjung | rêjangan parang tumawing | nut irahing toya rancah | lumut tinawatan limit | praptèng kakarasing jurang | myat guwa nguwêng awingit ||

28. Lir rinakit rekanipun | apipilar sela langking | tinus[27] ing pakis dhêdhêkan | wisa marta lir susumping | bilung bêlong lan wilada | walêdan êlo luluwing ||

--- 7 : 149 ---

29. Pilang pule pulasantun | santên sengon wungu mangir | ngapit nganan ngering guwa | patukan sirahing kali | kang mili mring Pasuruhan | bêngawan nyungab jaladri ||

30. Sèh Mongraga tyas kumênyut | myat singubing guwa wingit | wastaning guwa Sirupan | palayapaning dhêdhêmit | êjin pêri pêrayangan | kayang nèng Sirupan wingit ||

31. Yata wau sang among kung[28] | nèng pangol sela alinggih | wanci surya wus ngancala | sira Ki Sèh Amongragi | tumurun marang patirtan | santri kakalih tan kèri ||

32. Samya ngambil toya wulu | sawusira asusuci | sang brangta tumamèng guwa | wontên lata gêng mêthalit | ambêlanthit lir sêsalang | nam-naman kadya kinardi ||

33. Taru-gêblèg namanipun | sêlampit kadi warnèki | pasalataning uliya | nèng guwa Sirupan nênggih | anulya Ki Jamil Jamal | angadani wêktu Mahrib ||

34. Anutug dènnira wêktu | praptèng Isa bakda witir | Sèh Mongraga kajênêkan | nèng Taru-gêblèg amupit | swarèng ratri kèh karênga | thor thor thot rong-orong cacing ||

35. Kaciting riris poh êlur | babak-salu lan rêrêngi | timbêlong luwing lan jongkang | jangkrik gangsir ngêrik ngênthir | thilêng dhawang bêring upa | kêkècèk lan walangsangit ||

36. Myang pêksi kang munyèng dalu | kokolik tuhu kêdhasih | kup-angkupan atilêpan | bubut bintit lan barênggi | sribombok têkak lan cabak | wiwirog landhak angêsir ||

37. Wau ta ingkang anêkung | nèng Taru-gêblèg tan mijil | jênak anèng jroning guwa | iktikapira ngantêpi | karsa mêdal lamun kadas | sumungku dènnya nênêpi ||

38. Antara wus pitung dalu | Sèh Mongraga dènnya mupid | anèng ing guwa Sirupan | ngandika mring Jamal Jamil | payo mahawan lon-lonan | nuruti paraning budi ||

39. Nulya umijil sang mong kung | nut têmbinging sela tumawing |[29] wus linggar saking jro guwa | bakda Subuh pajar sidik |

--- 7 : 150 ---

Hyang Haruma[30] kang sumirat | amrabani wana wukir ||

40. Wurahan swaraning manuk | tiyupan sriti dhêdhali | srèpèt mèh nêrapat angga | èsthanira lir ngaturi | kang lunga-nis kèn wangsula | owêl sêpên panêpèn tis ||

41. Ana lir tuduh dêlanggung | dhêdhali abola-bali | punika marga tan pringga | wontên èmpèhe sakêdhik | gawar walêring wêlahar | aradin glis praptèng nginggil ||

42. Jamal nèng ngarsa nut manuk | dhêdhali mangsiting[31] margi | tinut satêngah onjotan | ngêncêng pèrèng lêmah miring | supana bana bêbanar | anon palêstrèn têtêgil ||

43. Sêmangka kêrai timun | kacang kara lan kêcipir | lombok terong jêwawutan | jagung ontong canthèl jali | nêdhêng andhêndhêng kang gêdhang | gumadhing turut pêpinggir ||

44. Pagêr rajêg walikukun | atêngah gubugnya inggil | wit jati pat ngiras cagak | rinambat kara kêcipir | gubug kampung gêng irasan | pawon pêturon sasisih ||

45. Kang tunggu gubug akukuk | ngoraki pêksi prit pêking | ayêm sami gêgambangan | kêndhangan gambang mêlingi | kamuktèning wong gunungan | sona jugug lir nyindhèni ||

46. Namaning dhukuh ing Cadhuk | pagriyaning jurukunci | anama Ki Nitinala | samana lagi andhangir | têgale pèpèrèng jurang | Nitinala duk ningali ||

47. Wong lumaku aruruntung | nut pèrènging jurang têgil | nêrka yèn dudu wong ala | Nitinala têtanya ris | gus dalêm kèndêl sakêdhap | kula takèn mring gus katri ||

48. Yata ingandhêgan wau | alon lênggah Sèh Mongragi | anèng soring sidawayah | matur wau saking pundi | sang monêng alon turira | sing guwa sirahing kali ||

49. Nênêpi mung pitung dalu | nèng oyod gêng ambêndhalit | gêgêtun Ki Nitinala | matur suwawi mring panti | Sèh Mongraga datan arsi |[32] karsa laju lêlana ris ||

--- 7 : 151 ---

50. Ki Nitinala agupuh | matur dalêm kèndêl ngriki | aglis mulih maring wisma | nak bojone kan[33] angrukti | susuguh sa-ananira | tan dangu dènnya cacawis ||

51. Ngatag pawong baturipun | kinèn (m)bêkta dhulang aglis | wangsul prapta ing (ng)gwannira | dhêdharan sumaos ngarsi | pala godhongan bakaran | jagung tela wi gêmbili ||

52. Nitinala lon umatur | sumangga katur puniki | sawontêne sumapala | supaya jampi tyas pêrih | sang monêng mèsêm ngandika | (ng)gih bangêt tarima mami ||

53. (m)Bok sampun susah sêsusuguh |[34] nulya dhinahar kang uwi | sacuwil wusnya dhinahar | linorodkên Jamal Jamil | uwi gêmbili sapanjang | jagung lan kêtela abis ||

54. Sêmunira durung tuwuk | dhasar mêntas pati-gêni | Sèh Mongraga angandika | (n)dika punapa pêtinggi | matur kawula punika | won awon pan jurukunci ||

55. Guwa ing Sirup puniku | ingkang kawula tênggani | yèn wontên tiyang tirakat | sabarang kang dadya kingkin | kêkirangan sandhang pangan | myang arsa dadya priyayi ||

56. Asring kula kang jinujug | têrkadhang sring angsal kardi | luwar tyase kang sungkawa | sakadar ngulih-ulihi | dene kang guwa Sirupan | punika kalangkung wingit ||

57. Liya kula kang mariku | tan kêna sinêngka prapti | asring kabujêng taksaka | pun Taru gêblèg kang mawi | katingal sawêr lêkêran | mangap naut mring kang prapti ||

58. Puniku kêramatipun | ing waliyulah sinêkti | kangjêng Sang Sèh Mahalaya | nèng riku amatiragi | mila angkêre kaliwat | tan ana wani kang prapti ||

59. Rumiyin wontên wong mriku | nènèman sutaning santri | nèng Taru-gêblèg anendra | pitêkur lajêng ngêmasi | agawat sangêt kang guwa | tan kenging kambah ing janmi ||

60. Paduka kuwawa mriku | kongsi sipêng pitung ari | inggih anglangkungi bêgja | têmtu yèn punjul sasami | Sèh Mongraga lon nglingira | lah (ng)gih paman jurukunci ||

--- 7 : 152 ---

61. Asuguh sarta pitutur | wus bangêt tarima mami | kula laju nut saparan | muga brêkata kang kari | lulusa padhukunira | angingoni anak rabi ||

62. Ki Tinala (n)dhêku-dhêku | sumanggèng karsa lumaris | Jamal Jamil wus pamitan | mahawan Sèh Amongragi | ngaler-ngetan lampahira | nut jurang trêbis wanadri ||

63. Angambah talatahipun | ing Prabalingga wana writ | kathah papaning patapan | lêbak punthuk sêndhang bêlik | palêrêpaning iktikap | nèng riku bêkti Hyang Widi ||

64. Kèndêl lampah lamun wêktu | wus bakda salat lumaris | mahas ing wana wulusan | tan kewran (ng)gyan nendra[35] mantri | têrkadhang lalu lumampah | pupunthuk kang singit-singit ||

65. Pan siyang dalu alaju | sumêngka ardi gêng inggil | anênggêl arga inancab | pupucaking ardi Gêndhing | praptèng pucak kajênêkan | asimpar banar nrang kapti ||

66. Nèng sela sumayana lus | ingapit ing guwa guling | pêpangol angêtuk toya | arêmbês sarta awêning | kinubêng wit manisrêja | lan paponan asasêling ||

67. Tan ana liyaning taru | tuwuhan puncaking ardi | manisrêja lan paponan | nêdhêng wohira andadi | abungah Ki Jamil Jamal | kang thêng-ithêng dèn-undhuhi ||

68. Katur ing bêndaranipun | sang brangta dhahar sakêdhik | pinaringkên Jamil Jamal | anêmên lir mangan nangsi[36] | wus têlas nulya ngupaya | wohing manisrêja malih ||

69. Dènnira nèng uwitipun | niyungkên pang amilihi | kang ithêng-ithêng kewala | tuwuk tan kalirên bukti | mangan wohing manisrêja | arêna Ki Jamal Jamil ||

70. Yata wau kang manêngkung[37] | nèng pucaking rêdi Gêndhing | pan wus kawandasa dina | sira Ki Sèh Amongragi | minggu tan kêna ngandika | lyan angling ing puji dhikir ||

--- 7 : 153 ---

71. Dènnira kasut ambuntu | amrih babaring kajatin | pinulang pêlênging driya | datan nadhah tan aguling | gugulunging kalênglêngan | minta luwar ing alangip ||

72. Karsaning Sang Kang Maha Gung | durung panggut[38] ing pangèksi | maksih lilabaning mangsa | musêng dènnira anganti | sêmining jati gêlinggang | langgênging marang kêjatin ||

73. Ki Sèh Mongraga amuwus | payo tumurun sing ardi | santri ro matur sandika | nulya tumêdhak sang pêkik | sila sulak aluk-lukan | lukak-lukik sêngkil-sungil ||

74. Tumurun ing jurang trêjung | buntu kêcuthêlan margi | marga têlasing jujurang | jurange kêlangkung bangbing | bangbinge angrong angungang | nguwêng-uwêng sêmu wingit ||

75. Nulya non oyot susulur | silar ngêlun ing walulin | walan wêlon lir wèh dalan | gandhu kadya angandhani | kang arsa mudhun ing jurang | trêbis tan kambah ing janmi ||

76. Kang andon lampah tumanduk | mêdhun nut oyot walulin | gendholan sobrah mêrambat | gênteyongan ngontang-anting | praptèng karasing jujurang | nyêkodhong ngêdhung angêndhil ||

77. Angêluwêng mangêb singub | kracahan rêmbês anritis | angrèwès ingadal-adal | tumètès kadi garimis | tibèng tirta pakêdhungan | têlaga sirahing kali ||

78. Kali Gêntung sirahipun | bêngawan tanah Bêsuki | anyungap marang samodra | tuking kali ardi Gêndhing | guwa Cerong aranira | tan lêbêt kambah ing janmi ||

79. Kêlangkung sirung asêrung | cêbrik cêrabakan warih | umès tan ana kang dhahas | nglulumut kabèh tan aking | kèbêkan ampu kêkajar | pakis galar nut pêpinggir ||

80. Sèh Mongraga ragi ngungun | ngubêngi gampèng guwa writ | tan ana padhas kang dhadas | sadaya kacakan warih | sang monêng sokur tyasira | pangunandikaning galih ||

--- 7 : 154 ---

81. Kang guwa upaminipun | wanudya pêrawan sunthi | tan nate pinotha-potha | ing priya pinolahing sih | ing mangkya lagya tinêkan | janma di minangka krami ||

82. Lire dede pancènipun | kang guwa kambah ing janmi | krana kèh kang dadya bahya | ulêr lingsêng ula uling | latêng kêmadhuh adhakan | Sèh Mongraga angubêngi ||

83. Sajêmbaring guwa singub | dangu dènnira kuliling | ngambah jêrambah tan asat | myang pinggir tan ana aking | wanci Lohor arsa salat | rikuh ngupaya kang aking ||

84. Sakala nulya andulu | jêrambah kang têlês garing | salampit kasah kang salat | lulumut garing arêsik | kandêl êmpuk lir kasuran | Mongraga sokur ing Widi ||

85. Sèstu palaling Hyang Agung | pinaring papan ngabêkti | nulya samya Lohor salat | ajênêk Sèh Amongragi | antara ing pêndhak dina | nèng Calerong Sèh Mongragi ||

86. Yata wanci bakda Luhur | saking Calerong umijil | Jamil Jamal tan kêna sah | lumampah nèng ngarsa wuri | lon-lonan tindak tan kongang | tan bukti ing pitung ari ||

87. Anêrang jurang aparung | pêparang pèrèng arumpil | anêtêr praptèng bêbanar | agiran sukuning ardi | mungguh tumurun sêparan | laju nênggêl ardi malih ||

88. Apan maksih têpang suku | Sêmèru lan ardi Gêndhing | Sêmèru kang êlèr-wetan | gêng ngungkuli ardi Gêndhing | kêlangkung angantak-antak | Mongraga dènnya ngunggahi ||

89. Pêpêncu pating panjutu | kathah wawêkaning ardi | Ki Sèh Mongraga ararjwan[39] | kêdalon anèng ing kêndhit | arga Songsong pasipêngan | ing papan langkung miranti ||

90. Balumbang watu angêtuk | toyanya kalangkung wêning | dhampènging sela awirya | mot janma sèwu ngênggoni | sela blêg datan lilapan | nyakêdhung sela ngaubi ||

91. Ataman tinon maha rum | sangkêp sasêkaran asri | anggrèk wulan argulo-bang | landêp noja wora-wari | pêlasa patra-mênggala | cilung sikatan bang putih ||

--- 7 : 155 ---

92. Mambak sri sarinya ruru | brêmana kèh angrêrêpih | ngrurah mring maduning sêkar | winigar anyar[40] ing siti | sela lus lir pinayasan | panjrah ing puspita amrik ||

93. Pudhak sisili gandanduk | mulêg ambêlêg ing angin | Mongraga têpakur ing Hyang | kêlangkung sokur ing Widi | dènnya karya kaelokan | ngandika mring Jamal Jamil ||

94. Makluking Hyang Kang Maha Gung | janma kang tinitah urip | wong ana sajroning praja | durung sokur ing Hyang Widi | beda wong kang anèng arga | yèn ora anèng jaladri ||

95. Wruh salir kelokanipun | kwasaning Kang Maha Sukci | kaya ta kiye panggenan | kang watu angêtuk warih | majade tan ana toya | lan sangkêping sari-sari ||

96. Kadya gêng rumasanipun | myat kelokan kang kaèksi | tuduh yèn Allah Tangala | luwih kawasa pribadi | dadyèngsun ngarsi kapurba | drêma pinolah ing kêlir ||

97. Jamal Jamil matur nuwun | mangkana Sèh Amongragi | antara ing têlung dina | nèng sela Songsong amupid | ing bakda Subuh anulya | manjad nginggil pucak wukir ||

98. Kathah pêpangol sela gung | sagajah-gajah tumawing | sagênthong-gênthong nyêrakal | kitrine ingkang ngêbêki | manisrêja lan paponan | sidawayah jêgod rêsi ||

99. Kang dhukut sulanjana rum | gandapura rum awangi | gandarêsmi rêsmijiwa | juwatan lan sumantali | muntri pakis wisamarta | kèncor kajar pujêr jori ||

100. Manjat malih sing selagung | watês pupucaking ardi | palêstha wêdhi kewala | tan kenging tinampêk sikil | kêrikil luntur laradan | pakewuh Ki Jamal Jamil ||

101. Tan bisa mancad mandhuwur | dening luhuring kang wêdhi | malinthas apucak pisan | tan ana lyan kitri malih | mung pandhan-rang karang-arang | lan dhukuk gulung galindhing ||

--- 7 : 156 ---

102. Kang sukêt gulung-gumulung | gêlundhung kêtiyup angin | sèh Mongraga kewran ing tyas | samya tan bisa manginggil | nulya na watu sablungkang | kèsisan wêdhi mandhêlis ||

103. Sèh Mongraga napak watu | sablungkang narithik nginggil | pinancad kêkah tan obah | kang watu lir angandhani | lêga tyasira amancad | anulya prapta ing nginggil ||

104. Pucaking ardi Sêmèru | namung sadina sawêngi | kêpotan wuluning salat | mung toya mum[41] lêbu suci | ing tyas tan pati pitaya | nulya mundhun[42] Sèh Mongragi ||

105. Laju jiarah ing gunung | Sêmèru dipun-ubêngi | wêkane satunggal-tunggal | lèring arga Songsong wukir | aran arga Telamaya | kang lèr wetanipun malih ||

106. Ardi Bugangin rannipun | kidul wetanipun malih | ardi Rèntèng pêlawangan | ngapit wukir sela manik | ing lambung têlaga Muncar | mandrawas gêbyoging wukir ||

107. Rèjènging jurang atrêjung | mungkara[43] sirahing[44] kali | narmada nyungap samodra | bêngawan kèh anêmpuri | jong tanahing Pênarukan | maro sungaping jaladri ||

108. Antaranya laminipun | nèng Sêmèru Sèh Mongragi | sawulan langkung tri siyang | turun sing Sêmèru wukir | laju maring Pênarukan | angayam alas wanadri ||

109. Tan ana drêgama ketung | trêkadhang kêpapag janmi | kang mrêjurit myang wong dagang | sumimpang nêlasak margi | tan arsa yèn tinakènan | lamun kêpagutan titik ||

110. Têmah mêwahi papa gung | mangkana ingkang sêdya nis | umahas wana wulusan | anglangut lampahira ris | jujurang sêngkan linakyan | anênggêl ing ardi Putri ||

111. Parange[45] rumpil aparung | lilingiran watu putih | cucuri kêrakal pêthak | tan ana kitri ngagêngi | pandhan rangkang lan kucila | jêlapa parijatha sri ||

--- 7 : 157 ---

112. Wali-kadhêp lan tri-kancu | kancuh cukilan kacumpit | utit tale lan widara | papas têpus lan kulampis | sira Ki Sèh Amongraga | praptèng kêndhit têngah ardi ||

113. Myat lawang guwa aciyut | sapipisan wiyarnèki | satêkên inggiling lawang | karungkupan dhukut grinting | lamuran mrak katêmbagan | simbar kajar pakis wiring ||

114. Katutupan sela gênuk | gêng sagajah watu putih | kanan kering kori guwa | pan wau sumbul angapit | rong prangkul ananjung pêthak | Jamal Jamil angrêsiki ||

115. Sukêt kang nasabi pintu | sumilak katon arêsik | Sèh Mongraga gya tumama | mring guwaning ardi Putri | guwa Kawidarèn rannya | kalangkung dènnira wingit ||

116. Bênêre pupucakipun | bolong wiyar amadhangi | dadya tan pati limutan | saisining guwa kèksi | sajroning guwa matirta | karang kang lumbang botrawi ||

117. Patuking tirta sing luhur | tumètèsing kang ngrêmbêsi | wontên rakite lir tilam | sela sumayana putih | gigilang lir watu lintang | pêsalatan ingabrangti ||

118. Sang monêng[46] ing kung sumungku | kukuwu kulinèng sêpi | antara sadasa dina | dènnira dadalon nêpi | èngêt lamun angêlana | jiarah ing ardi-ardi ||

119. Ngandika mring santrinipun | payo mêtu Jamal Jamil | nulya mijil saking guwa | mangetan bênêr lumaris | glagah pêngalang-alangan | bobondhot bandhil ri sisir ||

120. Tanjungmaja kulampis pung | kêmarung kèngkèng ngor cangkring | pring ori gadhung ri-wana | rigulo pandhan pênjalin | suruda rêjêg rèndhètan | Jamal Jamil dimik-dimik ||

121. Anabrang bêngawan agung | kali Glawèng wus kawingking | ngambah wana têrataban | têtêgil dhusun Pêminggir | kadhang kèn mampir tan karsa | milalu laju mêgatsih ||

--- 7 : 158 ---

387. Dudukwuluh[47]

1. Ngetan bênêr lampahe saya anglangut | apan turut ing pasisir | wana tratab kêtêl sampun | gabus dhaon lan pi-api | rayung gêlagah gêlonggong ||

2. Sabên-sabên akêpapag wong lêlaku | sang Mong-kung namur nimpangi | manawa asalang wuwus | mêmanguri dènnira nis | sinamun lamun kêbrojol ||

3. Pan lêstari rahayu ing lampahipun | nulya nabrang kali malih | nyungap sawanganing laut | kali Bêlorong rannèki | wus liwat saking Bêlorong ||

4. Langkung wana pan pêpanas anglêlangut | kêdhik kitri saliyaning | mung lanas lan pandhan rungkut | sawêr liwêran gung alit | Jamal Jamil grigah-grigoh ||

5. Kidih-kidih samarga sring kagyat (n)jumbul | tlosoring sawêr ngawêri | warni-warni kang kadulu | dumung gadhung wêlang wêling | bondhotan[48] lan ula[49] koros ||

6. Kayu buhu[50] dhiwêl dhudhak jangan banyu | rare-angon kalipicis[51] | cabe lêpe kadut luwuk | macan sapi sawa konyit | samarga pating sêlosor ||

8. Apan kali panggalang wakidanipun | kali tan ana nêmpuri | sirah saking ardi Ruyung | Ruyung sirah kali kalih | kalihe kali Bêlorong ||

9. Laju ngetan Sèh Mongraga lampahipun | jurang sêngkan jro wanadri | ingkang kasêdyèng ing kalbu | ardi Sêdana kang pinrih | tanah Blambangan pinggir lor ||

10. Ing ka-upus trêmbuku ujunging gunung | pêpongol munggal[53] jêladri | Sèh Mongraga praptèng suku | ing ardi Sêdana nênggih | nulya manjat nênggêl lakon ||

--- 7 : 159 ---

11. Tan patya gêng andêdêr panjadanipun | sinêngka panuntungnèki | Jamal Jamil ngangsur-angsur | rêkasa dènnya ngunggahi | satindak rong tindak aso ||

12. Akesotan wong ro samya kêmpus-kêmpus | sira Ki Sèh Amongragi | anyêngka manjad mandhuwur | wlas miyat mring Jamal Jamil | arêmbên rambatan oyod ||

13. Dangu-dangu nulya praptèng pucak gunung | lênggah tambining kusambi | pêlatar banar amunggul | lêrêsing laut kaèksi | baita cêlak doh katon ||

14. Dadya pulas pêpaèse samudra gung | wau Ki Sèh Amongragi | sakala tyasira lipur | myat kèhe jong ting saliri | tan kaèngêtan yèn wirong ||

15. Sèh Mongraga anèng sapucaking gunung | antara pan pitung ratri | papaning pucak acukup | pala kang kêna binukti | kêtela gantung nêdhêng woh ||

16. Bêndha lawan sarangan jambu kaluthuk | kang binukti Jamal Jamil | siyang dalu urub-urub | bêbênêm kang dadi bukti | lan wontên toya anyarong ||

17. Nèng calowoking padhas atas angêtuk | sangandhaping sela aling | sandhing sela langking alus | gigilang nistha pêsagi | papan pêsalatan manggon ||

18. Sawusira iktikap sadasa dalu | yata Ki Sèh Amongragi | ngling mring santri payo mudhun | sêndika Ki Jamal Jamil | tumurun lampahira lon ||

19. Praptèng suku agiran aluran tejur[54] | anut bang-binging atrêbis | ngidul nut sukuning gunung | anusup wana pringga writ | anjujur ing jurang jêro ||

20. Kang sinêdya ing ardi Janrili-ridhug | timpah samya suku ardi | kang kilèn ardi Wot-ruyung | inggil Liri-ridhug wukir | gêng arga Wot-ruyung kulon ||

21. Sèh Mongraga nèng ardi Janrili-ridhug | nahan tri ari tri ratri | laju mring wukir Wot-ruyung | antara ing pitung ari | Sèh Mongraga dènnya manggon ||

--- 7 : 160 ---

22. Wusnyèng riku nulya laju malih ngidul | nabrang lèpèn Toyawangi | bêngawan nyungap ing laut | tinurut sirahing kali | sadintên dènnya mangulon ||

23. Pan kêpangguh sirahe kali Toyarum | rêrawi wiyar nglangkungi | ing wana Sandi rannipun | kêkayon tan liya cangkring | toyanya kêlangkung nyarong ||

24. Sapandêlêng wiyaring rawa anyamut | -nyamut lirap-lirap wêning | Toyawangi sirahipun | rawa gung ing wana Sandi | namung sadalu nèng kono ||

25. Bakda Subuh laju lumampah mangidul | lêpas lampahe sang brangti | tan ana ardi kadulu | tan etang durgamèng margi | kèh sato-wana kapêrgok ||

26. Singandaka jêjawi maesandanu | mênjangan kidang lan kancil | andhapan sona-jak lutung | landhak luwak lan trênggiling | kêthèk wauwa mêlangkrong ||

27. Angathingkring madal wang wrangutan lutung | lir gêtun anjêtung kingkin | marang ingkang andon wuyung | wênèh kadya nêmbramani | wangsitan samining sato ||

28. Aywa na kang wani-wani nukarta dur | ngandhêg kang sêdya lêstari | kaya dudu wong kur-ukur | wani ngambah wana Sandi | sèstu yèn wong wus winongwong ||

29. Anrêng adrêng andarung tan anut lurung | sining wana kèsi-kèsi | saonjodan kaywa taun | sadêdêl wuluh rampal pring | kadhang sadhèng edhèng bonjot ||

30. Sadungkapan têrataban glagah ruyung | sapandhêngêt pala kitri | nangka kuwèni kêpundhung | rambutan pijêtan manggis | klayu bêndha gowok kêtos ||

31. Kêpêl pakèl duryan lan kêtela gantung | kêmlaka carême wuni | kamal kêmlandhingan sêntul | pace kêluwak kêmiri | pêtêt pête lawan jengkol ||

32. Karoya prèh waringin bulu lan nyamplung | gumrah swaraning kang pêksi | joan bèthèt lan pêlatuk | slindhit kêdhawa kêdhasih | cêkaklak lan gogik rangkok ||

--- 7 : 161 ---

33. Kulilinga luhung tèngkèk sunggi lêsung | sêpahan busit prit gantil | kêpodhang barênggi bubut | êmprit pêking lan gulathik | cocak colak-calik mencok ||

34. Jalak bêngkak bango buthak nèng kaywa gung[55] | atat jaka-tuwa nori | kuthilang putêr drêkuku | pênthèt kèkèt lan srigunting | darès bêluk bidho manol ||

35. Duksa kakap kokok-bêluk jaka-wuru | sandhanglawe cangak bintit | cucak munyèng pang ambarung | cicithu tutuwu kolik | sata-wana mrak nyêngungong ||

36. Tanpa rungwan swaraning pêksi gumrumung | kadya ngaturkên pêmbagi | marang kang rarywan awêktu | samya marma angaturi | rêrêba ingkang kalêson ||

37. Sèh Mongraga sèndhèn tambining gurda gung[56] | myarsa swaraning kang pêksi | prêkutut manggung angungkung | cumêngklung ngumandhang bêning | tanduke ajêg nêropong ||

38. Sasauran manggung lan tanduk kang ngungkung | kumênyut tyase Mongragi | kêgagas duk waunipun | muktyèn nèng Sukaraja di | tuwin nèng Wanamartènggon ||

39. Sakêdhap pan èngêt ing garwa ramèbu | myang mring Jèngrêsmi Jèngragi | tuwa nom samya sumungku | sadesa mring Amongragi | kang garwa nandhang lara bot ||

40. Angrês ing tyas kêrasèng garwa kawlas hyun | tinawêkêlan ing kapti | sabil ing nala têwakub | tinunjêmakên ing ngèlmi | sakala nir tyasnya kepon ||

41. Bakda Luhur wusnya rêrêm dènnya rawuh | nulya umangkat tan sari | samargi tan na potipun | daimira mring Hyang Widi | saparan angonjot-onjot ||

42. Sapandêlêng pêjatèn kewala ngayun | sagrêngan wana tuwa writ | sagethak bubulak nglangut | saêgrêgan bana êri | lêstari lampahira lon ||

43. Nabrang lèpèn kali Lêntang bênawi gung[57] | kèh narmada kang nêmpuri | anyungap ing samudra gung | kêdhung jro tan pati mili | kathah bajule manthongol ||

--- 7 : 162 ---

44. Aliwêran kang dhedhe ngambang mancungul | kang lagya abyangan warih | jumêgur ambyur ing puthuk | kadya wrêdu[58] anèng warih | anggigilani yèn tinon ||

45. Tuking kali Bêngawan Lêntang puniku | ing têlar sisirahnèki | alas bana kumbat nêngguh | tapêl-watês tanahnèki | ing dhukuh Blambangan kono ||

46. Ngidul bênêr lampahe kalangkung darung | kêdalon tansèng wana-dri | bakda Subuh byar lumaku | sadintên tan na liyaning | namung kêmiri kang ngradon ||

47. Ngambah wana-wasa ing kabanan agung | wana lampahan saari | tan ana liyaning wuluh | lawan pring mawarni-warni | pêtung wulung gêndhan ijo ||

48. Rampal ampèl apus tutul ori ganjur | bonjor dêling gadhinglêgi | lêpas lampahe mangidul | nulya nabrang kali malih | sih tanah Blambangan kono ||

49. Sirahipun Kula-papang[59] ing wana gung | nglojok tanah Jêmbêr nagri | apan tapêl-watêsipun | wêlahar wiyar saari | ing Gambiran ranne rêko ||

50. Sèh Mongraga tansah nusup ing wana gung | ing wana saran awingit | wêrit ruwêt bondhotipun | taru malata mulêti | kêkayon carub-carub wor ||

51. Tapêl-watêsing wana kisma Nojajung | nulya mangetan sang brangti | wana Grojogan rannipun | Ingkilkan sirahing kali | kali Prawa kang kinaot ||

52. Saking sêndhang Ingkilkan bot-rawi watu | toyanya kêlangkung wêning | wana sri kèh palanipun | kirna kang kêna binukti | kayu buratan angrêdon ||

53. Kêpuh gunung tinja cêndhana lan garu | sidawayah myang mêsoyi | kêningar sintog sêprantu | pulasari kayu-manis | majakan kacêngkèh ayom ||

--- 7 : 163 ---

54. Pala jênggi ganthi têgari lan pucuk | purwa rêrawis tumangir | adas kêtumbar tapèn rum | aruman lan jaha kêling | widasari winong waron ||

55. Kapulaga cabe mêrica kêmukus | jongrahab mungsi sêsawi | kulabêt puli sigunggu | randhu jênar lan kêmuning | myang jangkêping êmpon-êmpon ||

56. Wusnya nabrang ing kali Prawa mangidul | pan ing tanah Jalamanik | wana tan na liyanipun | tiris kêlapa mawarni | limrah gêng-agêng kang tabon ||

57. Tanah Bêlambangan kang pasisir kidul | pathuk gêbyogan jaladri | sang brangta osiking kalbu | tan antuk papan panêpin | nulya lampahira menggok ||

58. Wangsul ngalèr nut pasisir lampahipun | nabrang kali Prawa malih | ing Jalamanik kapungkur | mangilèn angambah curi | nèng ngriku lamun kêdalon ||

59. Sèkêt waktu salat sadintên sadalu | tangat sunat dèn-antêpi | sarta tan pot dhikiripun | daimira mring Hyang Widi | pamawasing tyas wus manoh ||

60. Karungrungan anut parang-curi sêrung | kacaryan dènnya ningali | gêbyaging alun jumêgur | muncrat sumirat nyoroti | mabun malêdug tatampon ||

61. Ngulon bênêr nut têpining samodra gung | anulya nabrang bênawi | kali Sabrang wastanipun | nyungab sawangan jaladri | tanah ing Jajungkis manong ||

62. Pan winongwong ing Sukma lampah lêstantun | tan ana durgamèng margi | gya nabrang lèpèn Bêdhadhung | tapêl-watês tanahnèki | Lumajang lampahnya menggok ||

63. Ngidul ngilèn nut karang kajang parlidhu | pêpathuk pongol jaladri | Sèh Mongraga lèrèn ngriku | ngandika mring Jamal Jamil | priye karêpira mêngko ||

64. Manirarsa mring pulo ingkang kadulu | paran kaisèn ing janmi | lan sêpine sun arsa wruh | pikirira kadipundi | tan ana baita katon ||

--- 7 : 164 ---

65. Jamal Jamil wau alon aturipun | yèn paduka anuwèni | anggêbyur gèthèk nut alun | manawi punika kenging | Sèh Mongraga lingira lon ||

66. Iya bênêr lah mara ngambila kayu | gèthèk balok tinambir pring | Ki Jamal Jamil agupuh | dhasar gêng-agêng kang êpring | tan susah mawi gêlondhong ||

67. Êpring limang lonjor kewala pan rampung | wus anêgori pring ori | arit bapang adan rampung | kinili tinalènan wis | ingêrut ginodhi kukoh ||

68. Wusnya katur gèthèk ginêbyurkên laut | nitih gèthèk sang Mongragi | wus samêkta wong têtêlu | samya mêlahi pribadi | manjur kang gèthèk pitados ||

69. Maju mundur kang gèthèk kabêkta alun | mèh prapta gya wangsul malih | gèthèk kabuncang ing alun | alun agêng anglangkungi | tatanggor ing karang pongol ||

70. Sru jumêgur magora gèthèknya sumyur | ambyur malêsat gèthèk pring | wong tri kagêbyur ing alun | kumocak ing jalanidhi | wawalikan samodra rob ||

71. Sèh Mongraga kêpapa kêbayèng laut | winasuh syuh ing jaladri | ingulêng alun angêlun | alin-alin tan kalilin | lalu laraning kalêson ||

72. Lila lena angganira Sèh Mong-wuyung | wiyong kawayanging Widi | wadining wadaka sinung | saniskaraning pangèksi | pucuk babaring cêcalon ||

73. Acancalan cêla cilaka kacêluk | calak kacêluk ing ngèlmi | ngulama lami ngalimut | ngalamat maot ing lair | luhur akerate manggon ||

74. Langkung papa sèh Mongraga kawlasayun | dadya sarah ing jaladri | tumimbul kumbul ing laut | ting karêmpul Jamal Jamil | nèng lautan Nusabarong ||

75. Barêng pancabaya lan bêndaranipun | Jamal Jamil tansah dhikir | dulagêpan misih junun | sira Ki Sèh Amongragi | tuwakup marang Hyang Manon ||

--- 7 : 165 ---

76. Wus mangkana mulya tinênggêl ing alun | binuncang tumibèng tasik | ing lêsta têbih sing laut | ngalumpruk tan bisa osik | anèng pawêdhèn andheprok ||

77. Wus antara sêsangat dènnira kantu | Sèh Mongraga tyasnya tis-tis | kadya gêlagah tinunu | brêsihing driya mawêrdi | wus aso dènnya andhoko ||

78. Sèh Mongraga alon dènnira amuwus | hèh Jamal Jamil sirèki | dangdana manèh dèn-gupuh | gèthèk pring yumana malih | nabrang maring Nusabarong ||

79. Jamal Jamil sigra karya gèthèk bambu | sinunduk kêlawan tali | cinancang anèng pêpathuk | sarèh karsane sang brangti | sarèhning wêktu kêdalon ||

80. Pan iktikap sêdalu nèng karang plêdhu | pêpangol munggul jaladri | nêlaskên tangating dalu | nimpah mring kang among wingit | sasmitèng tyas wus cumêplong ||

81. Bakda Subuh Sèh Mongraga nulya mudhun | nitih gèthèk mring jaladri | bènèh lune lan kang wau | gèthèk lampahe lêstari | praptèng pulo Nusabarong ||

82. Sukuring tyas narimèng sihing Hyang Agung | rakiting pulo rêspati | kèh pêpangol sela munggul | nut pinggir saengga ardi | kitri mawarna nêdhêng woh ||

83. Angayangan tirisan kêlapa puyuh | lêgi wilis rêkta gadhing | kumlingking mepung mapuguh | miwah payoming gayamprit | cok barat bobot kumalot ||

84. Dhêmpul lèlèt dhuwhêt[60] gamêt pêpêt umbut | bondhot kêmaron pring ori | timaha wanitan garu | egang wrêgu gora agring | cêndhana tinja mêntaos ||

85. Dhadhap kakap cacap kêcapi kuciput[61] | myang pala kêna binukti | cipta kêna anèng ngriku | kitri asri samya sêmi | kamal prêdapaniranom ||

--- 7 : 166 ---

388. Sinom

1. Sira Ki Sèh Amongraga | nèng Nusabarong pulo lit | suwung tan kambah ing janma | mung kirna kang amêpêki | anêdhêng woh andadi | anggêlasah samya runtuh | tan ana kang amangsa | liya sato lawan pêksi | puspita-rum ruru sarinya mêngambak ||

2. wontên ingkang katingalan | candhi gêng sela ingukir | wontên kucur tirtantara | saking wukir sela alit | jog bêlumbang botrawi | trap kosok pinatar gêmpur | talundhag lus pinasah | togog sela sumbul ngapit | êkong sela itêm alus bêlimbingan ||

3. Undhakan saking paheran | mêrgèng natar sela ringgit | maring langgar pamidikan | pêsagi batur sungsun tri | watu bang trap jinobin | pracabakaning manguntur | pagênthan pakêlèngan | ing riku pamrikanèki | sanggar tajug pêsagi candhèn nêsthasta ||

4. Dhanyang sanga[62] janggud praba | ingukir patra angrawit | kadya rêmêg ginarayang | binintulu tinulya sri | wus kalumutên wilis | simbar mênjangan angrêmbuyung |[63] simbar song-song sumangsang | ing saka kadya cêlumpring | Sèh Mongraga mulat lulut kawilêtan ||

5. Lumalat marang langgatan | tabêt labêting budasri | amêmaha ing pauman | amèpèt dènnira mupit | nèng pamêlêngan candhi | candhi Cêndhana rannipun | sira Sèh Amongraga | mirungga rêngganing candhi | acêcadhang nêgês karsaning Hyang Suksma ||

6. Miwah santri Jamil Jamal | karênan kèh kang binukti | tan watir lalurat pangan | pala gumantung mêpêki | sang adi Sèh Mongragi | kajênêkan anèng ngriku | tanah Nusa-kambangan | tan kocap gantya winarni | yata ingkang kantun anèng Wanamarta ||

--- 7 : 167 ---

anak putu | sadesa Wanamarta | sawusnya nadhah kêndhuri | barêkate kang ngulihkên baturira ||

8. Pêpakan putra pra kadang | Jayèngrêsmi Jayèngragi | Suharja lan Wiradhustha | Panukma Panamar tuwin | Kulawirya wuragil | myang pra tuwa Ki Pangulu | Sêmbagi lan Jumêna | Jampêna Lawatan tuwin | pra bundhêl santri magêrsari sudagar ||

9. Ki Bayi lon angandika | marang ingkang putra kalih | sirèku paran miyarsa | wartane paranirèki | Ki Sèh ngalim Mongragi | dènnira anis anglangut | baya wus karsa Allah | dene tan ana tinolih | hèh ya talah kakangira Sèh Mongraga ||

10. Bisa têmên mêdhot trêsna | lan sakèhe kang samya sih | sumawana mring rabinya | myang ibumu lawan mami | kabèh samya nêdhêng sih | puwara tinilar nglangut | kadya sêsapu wudhar | lir mina kasatan warih | aprêsasat juragan kêpatèn bandha ||

11. Sadaya ngungun miyarsa | pangandikane Ki Bayi | samya kumêmbêng kang waspa | karaos katrêsnan sami | tan ana bisa angling | kang nginang mingkêm tan idu | kang udud tan ngakêpan | dènnya sangêt samya kingkin | Kyai Bayi Panurta malih ngandika ||

12. Apa bayèku sida-a | lungane Sèh Amongragi | iya marang Nayaganda | ngulati kadange kalih | parang ngulon mring Kawis | apa marang Gunungkidul | lawan wus pirang candra | saprene duk lunga anis | Jayèngrêsmi sumêrêp matur ing rama ||

13. Paduka andangu dènnya | kesahipun Amongragi | tatkala ing wulan Rajab | sampun gangsal wulan mangkin | Dulkangidah puniki | nênggih gangsal wulanipun | mênggah kabar tan angsal | sèstune kang dèn-purugi | kaping kalih tan kaur pitakèn warta ||

14. Kawula lamun kêngêtan[64] | mring putranta Sèh Mongragi | akathah ingkang karantan | kawula lawan pun adhi | asangêt nahên brangti | mèh-mèh sring kapotan wêktu | kang rama ngling tigapar[65] | astagpirolah hal ngalim | iya nora maido sun marang sira ||

--- 7 : 168 ---

15. Yènta mungguha wowohan | kakangira Amongragi | wêruh rasane lir kilang | amangan lagi sairis | gugal[66] ing jurang trêbis | cuwa dèrèng kongsi tuwuk | andhingkluk sadayanya | rumaos kados (n)Jêng Kyai | alon muwus malih marang para kadang ||

16. Mara ta padha usula | manawa antuk pawarti | tela lambung kering mitra | sanak pêsanakan têbih | yèn olèh kabar yakin | manawa kêna sinusul | manira nora bêtah | mulat rabine kang kèri | iya Nikèn Tambangraras kawlas-arsa ||

17. Umatur kang para kadang | tan wontên angsal pawarti | nging wontên ingkang carita | sumêrêp tiyang lumaris | nèng wana tuwin ardi | tiyang titiga kang tutur | kabar piyambak-piyambak |[67] putranta Sèh Amongragi | inggih nunggil yèn kabaripun mangetan ||

18. Kanca santri padhêkahan | wus ngaos kula ing ngriki | punika juga tumingal | mring putranta Amongragi | wana ing ardi Kawi | nênggêl Leyama kang gunung | lan malih kang pawarta | sadhèrèk ètèr gêgrami | pan kapêthuk wontên tanah Panarukan ||

19. Nimpang tan arsa papagan | kang satunggilipun warti | dinugi lajêng kewala | mring Bêlambangan pasisir | sawêg pandugi mami | mantuk wontên laminipun | manawi karaharjan | ing lampah dènnya nênêpi | Kyai Bayi anjomblong miyarsa warta ||

20. Wusana aris ngandika | sirèku glis olèh warti | budimu lêga anjangkah | wruh lide wong wus lunga nis | matur tan lêpas budi | sawêg parêng wontên tutur | sira Bayi Panurta | pangandikanira aris | payo padha bubaran sayah wus awan ||

21. Sadaya matur sandika | nulya mundur saking ngarsi | putra kalih lan pra kadang | sudagar lan magêrsari | miwah pra lurah santri | sadaya wus samya mêtu | mantuk asowang-sowang | Ki Bayi malbèng wismèki | têkên êcis sarwi anyangking selepa ||

22. Yata Nikèn Tambangraras | kang lagya anggung prihatin | sakesahe Amongraga | anajin nadhah myang guling | sarira kuru aking | tulanging salang saluku | lêkane angga latha | tan luntur labêting warih | lir sudama karêmêngan ing jaladha ||

--- 7 : 169 ---

23. Asinjang seta lungsêtan | sarwa putih tan ginanti | gantung kêpuh nèng sarira | rurukuhan siyang ratri | miwah cèthi Cênthini | sarwi pêthak kulu-kulu | tan pêcat rukuhira | tan kêdoana nèng ngarsi | Tambangraras tansah andêdarus Kur'an ||

24. Tan darbe têkiyar liyan | mung salat kêlawan ngaji | yèn wus ngaji nulya salat | sukuran kewala bukti | tan pati angarêpi | tadhah gulinge sinêrtu | panêdhanirèng Suksma | ing siyang kêlawan ratri | rahayune lakinira Sèh Mongraga ||

25. Tinêkanna kang sinêdya | sarta apuraning Widi | dinohna rêncana donya | godha panggawening eblis | pitêdah ing sasami | liya ganjaran Hyang Agung | mungguh takdir panduman | manawa manggih yomani | ing akerat suka nênggalang ing priya ||

26. Sabên ing dina Jumungah | Sênèn Kêmis (ng)Garakasih | tan êpot dènnya sidhêkah | mêmule pra nabi wali | pra ratu kang wis swargi | mêmule myang pra luluhur | sêlamête agêsang | sapêpadhaning ngaurip | mumule kang para bumi tanah Jawa ||

27. Yèn mumule pra ambiya | sinuci pangolahnèki | kang olah mèt toya kadas | tan kêna sukêr jalwèstri | junub anggarap sari | èstri kang wus luwas marus | kang sarta lawan kadas | lawan tan kêna ngicipi | sêkul anggi binumbon kèju mêrtega ||

28. Ulame ayam kang menyak | lalab cabe uyah pasir | kêndhi wêwadhah sarwa nyar | sêkar konyoh lisah wangi | slawat patpuluh picis | kutug tumpêr kayu garu | sadaya kang kondangan | amaca sêlawat sami | kang saèstu ingatase kulawarga ||

29. Yèn mumule waliolah | tan pae pangolahnèki | wuduk ulame lêmbaran | ayam mulus ingkang putih | lombok uyah kang rêsik | widasari lawan kutug | sêlawat patang yatra | kêndhi kang anyar dènbêggi | yèn mumule para ratu kang wus swarga ||

30. Bras putih ingkang las-lasan | wosing pari sokanandi | pan sêkul golong antêban | pêcêl pitik jangan-mênir | lam-ulaman mêpêki | asarwa lalabanipun | konnyoh sêkar roncènan | kutug gantal sadak rawis | kêndhi anyar lambaran slawat pat uwang ||

31. Lan malih yèn kirim donga | mumule luhur jalwèstri | sêkul angi[68] ing ambêngan | jangan pindhang abang putih | ulam sarwa mêpêki [mê...]

--- 7 : 170 ---

[...pêki] | sêkar konyoh lawan kutug | sêlawate rong yatra | yèn mule ing bumi-langit | sêkul tumpêng golong liwêt lan mêgana ||

32. Ulam pêksi lawan kewan | ulam loh kali jaladri | jangan lawan jêjanganan | sakèh mawarna mêpêki | salawuhing abukti | sarwa na sadayanipun | myang warnane woh-wohan | juwadahan datan kari | lah-olahan di-adining warnan pasar ||

33. Ki Pangulu sabên dina | Basarodin mituturi | marang Nikèn Tambangraras | kinèn sidhêkah kang asri | milane kèn kêndhuri | Ki Pangulu pakènipun | pan inguja kewala | sakêcape dènturuti | Ki Pangulu kêsêl wira-wiri prapta ||

34. Saking krêp pindho sadina | kadhang ping tiga saari | nyêlamêtakên sadina | gêng-agêng ambênganèki | dhasar wus dènkajati | tan ngeman bandha sang ayu | mung mupangat kang ketang | Ki Pangulu Basarodin | dadya datan mantuk-mantuk maring wisma ||

35. Nèng wismane Tambangraras | tugur anèng masjid alit | miranti kalasa bantal | Ki Pangulu Basarodin | mulih-mulih yèn dhong-dhing | sakêdhap wangsul kukuwu | nênggih Ni Tambangraras | kang lagya mangsud angaji | yata wau ingkang rama ibu prapta ||

36. Ingiring pawonganira | Sumbaling lan santri Luci | sira Nikèn Tambangraras | nangkêpkên Kur'anirèki | mingsêr dènnya alinggih | wus pinarak kalihipun | Kyai Bayi Panurta | myat putra langkung prihatin | kadho-kadho alon dènnira ngandika ||

37. Mring kang putra Tambangraras | wus luwara sira nini | (ng)gènnira (m)banting sarira | angarang marang ing laki | sêdhêng boboting èstri | subrangta satêngah têkun | (n)dodonga mring Hyang Suksma | mamrih rahayuning laki | lakonana nini nuli tuturingwang ||

38. Tan mêmalangi dènnira | bêkti ing Hyang lan mring laki | sumungkunira ngibadah | sun sukur datan maoni | namung (ng)gyannira kingkin | awakmu kongsi alumut | abêcik rêrêsika | nganggea wastra kang suci | wirongira nini datan kawistara ||

39. Tambangraras ris aturnya | mring rama saha tur bêkti | inggih langkung kasinggihan | wulang paduka (n)Jêng Kyai | sih marma

--- 7 : 171 ---

wlas ningali | mring jasat-kawula anggung | papa durakèng priya | ganjaran Hyang Kang Ma Sukci | inggih nuwun kapundhi wulangpaduka ||

40. Nanging ing mangke kawula | dèrèng sagêd amangsuli | pan dèrèng bombong tyasamba | ambengkas raosing galih | sapunika kang mugi | maklum tuwan kang kasuhun | kewala nuwun gungan | sakadar darmi nglampahi | kapurbèng Hyang lagya kinarya lampahan ||

41. Sira Ki Bayi Panurta | myarsa ature kang siwi | sidhakêp ngungun sasmita | mring garwa Nikèn Malarsih | kang ragi (m)brêbês-mili | sarya ngling mring putranipun | dhuh Nikèn Tambangraras | ywa sira manggung prihatin | pituhunên pituture ramanira ||

42. Anganggea sawatara | raganira ko(k)pêpati | tan pêcat rukuh mêkêna[69] | musêla ing siyang ratri | bangêt angêtarani | ing rina wêngi rurukuh | iya bênêr ngibadah | panggawe luwih utami | nanging kudu nganggo bêcik kira-kira ||

43. Karana sira supaya | aywa kêdarus ing kingkin | wêlasa sariranira | kari bêbalung lan kulit | wau Nikèn Malarsih | pitutur sarwi rawat luh | tyasira Tambangraras | kadya kumala kinikir | datan rêmpit malah sangsaya santosa ||

44. Wusana alon turira | ibu paduka mênawi | wêlas myat marang kawula | kewala ugungan ugi | pintên banggi ing mangkin | sagêd luwar ing papa gung | kang rama ris ngandika | wis aja sira waoni | dongakêna sakajate sutanira ||

45. Sapuluh wus karsaning Hyang | adil ganjaran wus takdir | pêk mêngkono pira-pira | winahyu bisa nglakloni[70] | ywa ambodhokkên kapti | kêncênging niyat aplalu | lan manira lèh warta | paranne Sèh Amongragi | kang lèh kabar adhimu si Kulawirya ||

46. Kang tutur marang si Wirya | santri lan sajuga grami | kapapag nèng Panarukan | sawetaning gunung Gêndhing | dinuga laju maring | Bêlambangan kang jinujug | tan gèsèh kang wêwarta | wong têlu tuture sami | dene biyèn tuture mring Nayaganda ||

--- 7 : 172 ---

punapa pênêd sinusul | punapa ta (m)botênna | Ki Bayi ngandika aris | iya mêngko rinêmbugna putu kathah ||

48. Ngling malih marang kang putra | sirèku olèh[71] punapi | apa arêp sidhêkahan | kang putra umatur aris | inggih makatên ugi | kajat mêmule pra ratu | mangke malêm Jumungah | Ki Bayi nauri aris | iya sukur Alkamdulilah utama ||

49. Tutugna (ng)gyanmu lah-olah | sun mulih karia nini | Sumbaling bae mèlua | ngrewangi karya kêndhuri | gupuh kang sinungan ling | gya mantuk lan nyainipun | kang olah sidhêkahan | ngratêngi sarwi sêsuci | anèng panjang giri gêng rolas ambêngan ||

50. Sinamir sarwa prayoga | wus rumat tanggungan Mahrib | ingangkah bakdaning Ngisa | wêdale ingkang kêndhuri | wus tinata miranti | kang lampit kêlasa alus | agêlar nèng jêrambah | dhasar sinêrbètan putih | sinêbaran sêkar campur bawur ngambar ||

51. Ing wanci wus bakda ngisa | ki Luci kinèn ngaturi | mring kang raka myang pra paman | para tuwa kèn ngaturi | miwah kang rayi kalih | lurah-lurah ingkang mungguh | santri Luci gya mentar | angaturi sadayèki | tan adangu ingaturan sami prapta ||

--- 7 : 173 ---

54. Wus tamat nulya têkabal | gantya Suharja sratnèki | Ida samaun pararat[80] | tamat gya Wiradhusthèki | Waelul munta pipin[81] | tamat nulya Panukma wus | Ida samaun sakat[82] | tamat gya Panamar aglis | Surat Wa samai datil burut[83] nulya ||

55. Tamat gya Ki Kulawirya | Wasamai watthariki[84] | tamat lajêng turutira | Sêmbagi surat Sabikis[85] | tamat Jumêna nuli | Halataka[86] suratipun | tamat gupuh Jêmpina | amaca surat Walpajri[87] | tamat atakabal nulya Ki Lawatan ||

56. Surat La uksimu[88] tamat | gya modin Ki Tabalodin | srat Wa samsi wa lukaha[89] | tamat nulya Nursukidin | [...][90] |[91] [...] |[92] [...] |[93] kang surat Waluka[94] gumanti |[95] Bagus Kanjir maca surat Alamnasrah[96] ||

57. Sadaya maca têkbiran | gumuruh arahab sami | pan la ilaha ilalah | hu Allahu akbar walil | laikamdu anuli | Bagus Ngajujir sumambung | surat Watini[97] nulya | surat Iksak[98] mustabyanni | sabên surat tinakbiran ing ngakathah ||

--- 7 : 174 ---

Nurya | Amat Dasra Walngasêri[106] | Amat Dullah surat Wailul[107] winaca ||

59. Amad insal[108] Alam-tara | liila[109] Amat Jahnawi | Amat Diman Ara aetal[110] |[111] inna aktaena[112] Mad Ngali |[113] Kulya ayu[114] Mad Supi | Idaja-a[115] Amad Yunus | Mas[116] Tahir Surat Tabad[117] | katam mukadam anuli | surat Kulhu[118] winaca ping tri wong kathah ||

60. Nulya surat Palak-Binas | surat Patekah mungkasi | nulya Ki Pangulu Basar | ingkang dadya bawa ratib | langkung rahabirèki | santri kèh barung gumuruh | nutug satamatira | sawuse ramya adhikir | nulya (n)donga santri nasib gantya-gantya ||

61. Pêragat dènnya ratiban | slawatan salaman sami | Ki Bayi alon ngandika | Luci pandumên dèn-aglis | sigra Ki Santri Luci | amêthak ambênganipun | pra santri sigra kapang | mapatan nêmi moloni | adan lêkas pikantuk dènnira nadhah ||

62. Wus antara dangunira | dinum barêkat waradin | santri pamburi bubaran | kang kantun pra kyai-kyai | brêkat maksih sinandhing | kang nginang nocoh audud | Ki Bayi lon ngandika | payo rêrêmbugan sami | bab kabare dhèk wingi si Kulawirya ||

63. Iya Ki Sèh Amongraga | dènnira nglêlana anis | priye padha rêmbugira | mungguh bêcike pinikir | [...] |[119] apa ta bêcik sinusul | kang putra aturira | miwah ingkang para ari | pan sumangga punapa karsa-paduka ||

64. Umatur Ki Kulawirya | punika lamun suwawi | prayogi dipun susula | manawi sagêd pinanggih | yèn parêng (n)Jêng Kiyai | kula prayogi kang nusul | Jèngraga nambung sabda | paman lan kula pribadi | angluluruh ingkang mêksih among raga ||

--- 7 : 175 ---

65. Pra ari samya wacana | tan pae lan sira sami | nanging ta manawi ana | ing karsane (n)Jêng Kiyai | kinèn nusul ngulari | mangsa abota ing kalbu | Jayèngrêsmi amojar | puniku kula anêmpil | ing rêmbuge paman Swarja Wiradhustha ||

66. Ki Bayi alon ngandika | sakarêpira amikir | dospundi mênggah pun uwa | Sêmbagi nauri aris | kang sami rêbat pikir | inggih sami lêrêsipun | kang kapanggih ing kula | prayogi datan linari | sanès lawan kipayah lampah kal dunya ||

67. Tiyang ujlat ing Pangeran | tan kenging dipun-iloni | manawi wontên wadinya | mêmanguri ing pangèksi | kêdhik pikantuknèki | luhung kinèndêlkên sampun | enggal lamining prapta | dumugi ingkang kinapti | wa makatên mangsa-borong ing ngakathah ||

68. Pundi rêmbag kang kinarsan | sumangga karsa (Jêng) Kyai | pan inggih pundi kang eca | micara Ki Basarodin | (ng)gih lêrês Ki Sêmbagi | jèh wong montên nika wau | wontên kula piyambak | wah têpa sami nglampahi | yèn ta dawêg lagi punapa-punapa ||

69. Anolih Ki Kulawirya | mring Pangulu Basarodin | gumuyu sarwi angucap | yèn muwus Ki Basarodin | tangèh sun tan angêrti | sapa sintên kang sumurup | wiwitan lan wêkasan | ngalênthar nora pakolih | anglêmpara ilang talêring wicara ||

70. Yèn kang Pangulu kajaba | amikir babing kêndhuri | iku pikire kang gênah | tan nganggo bliwur samênir | gumuyu sadayèki | Ki Pangulu mèsêm muwus | run wudhu yèn klêrêsan | rèhning (ng)gih sami mêningi | yèn tan wudhu dènranni sêtunggil nika ||

71. Gêr ginuyu ing ngakathah | Ki Kulawirya nudingi | mawi ngriki sintên ingkang | sêrêp basane Ki Rodin | kèh wêwangsalanèki | sêtunggil nika prèhipun | têgêse lir punapa | ngling mangsa borong mastani | yèn kawula winastan bugêl kewala ||

72. Sangsaya dadi paguywan | Ki Bayi ngandika aris | bênêr Ki Rodin mêningan | sabisane urun angling | pira-pira ngudhoni | amêtu samono iku | aranne wong rêmbugan | sadhengahne ya[120] kang dadi | ana bênêr luput brêkate wong kathah ||

--- 7 : 176 ---

74. Salamête kang alunga | tumuli bisoa bali | sami ambungkuk sadaya | tan ana kang amaoni | mêngkana dènnya pikir | putra ri lan para sêpuh | kèh kang rêmbug nusula | ana ingkang angrêmbugi | ing wêkasan wus samya kinèn dêlelah ||

75. Nganti praptane priyangga | lawas enggale pinuji | santana lan kulawarga | tansah sidhêkah (m)bên ari | sadesa gênti-gênti | nglulujêngkên kang anglangut | yata samya bubaran | saking ngarsane Ki Bayi | tan cinatur kingkine ing Wanamarta ||

76. Warnanên ingkang lêlana | sira Ki Sèh Amongragi | nèng pulo Nusa Barong |[123] sampun kawandasa ari | dènnira tèki-tèki | nèng Nusa Barong amojud | sumungku ing pahoman | tan katimpah ing panilib | lêbêt[124] tan kalaban loba labêtira ||

78. Tahajud rolas rêkangat | lan rolas rêkangat tasbih | wuse pêragat tangatnya | amupit dènnira wirid | sêla silaning dhikir[127] | nganasir sira Hyang Agung | tariyah rêskandhiyah | barjah jalalah wus ramping | ripangiyah panguyahing pancadriya ||

79. Alus panglêpasing napas | anpas tanapas nupusi | pêmapaning pamupusan | pamungkasing kas kaswasih | sadêrah ing ngin-angin | pangoning angên-angênku | buntu tanpa karana | mancat layaping pangèksi | ngèksi ganda cipta pininta wêkasan ||

80. Wus amurba purbaning Hyang | tan purba pinurba asih | sah jaman wus tan kayapa | tan sipi datan kawiji | miwah datan kêkalih | kaluluhanira jumbuh | jiwa tanpa jamuga | galethak kadya kaywa-king | kang kawêngkua wêngkoning kawalèyan ||

--- 7 : 177 ---

81. Kêjêp liyêping kanêngan | sêsangat guling gulinting | apan tigang èwu napas | dènnya suhul ing Hyang Widi | tan weda wadinèki | nalikanira akantu | tan sirna tan warana | panane maring kajatin | wus antara tarêki tanajulira ||

82. Pajalu liyaning napas | aring pangikalirèki | sambunging datan kêsotan | sawataranira aris | bakda dhikir anuli | andonga sukur Hyang Agung | sawusira (n)dodonga | asujud sumungkêm siti | takrub asru têpakurira nalangsa ||

83. Rumasa kinarya titah | bedaning kawula Gusti | lir lêbu kalawan mega | bantala lawan wiyati | tiniti apatitis | dhêndhaning papa kapupus | pasrah rèh kadariyah | siningsalakên saliring | cipta ingkang bidêngah kibir jubriya ||

84. Wus jêrnih nèng pasujudan | anjunjung mustaka tangi | sarwi maca rong kalimah | Iya-kanakbudu tuwin | wa Iya-kanastangin | bakda dènnira tapakur | pupungun kawimbuhan | ing kasuciyan Hyang Widi | lir sasangka katrangan ing ima mawan ||

85. Pitêkur dènnira lênggah | jatmika tan obah osik | alun gêng anêmpuh parang | jumêgur gumuruh atri | tanpa rungwan mawêrdi | mawukir alun gumulung | nulya cipta sabawa | mêne munaning jaladri | wanci bangun angungun sang Monêng ing tyas ||

86. Swaraning pêksi kapyarsa | mrak manguwuh nyangungongi | cakikèring satawana | tuhu akolik mêlingi | thong-thongsot anglêlungi | lcubak[128] bêluk blêkêtupuk | têkak êngkak bêrduwak | dhècu cinggoling srigunting | tèngkèk buta lir bobolih asmanira ||

87. Dhuh sang monêng Amongraga | sêdhênge linggar sing ngriki | pan wus têrang pinitayan | kang mara-bumi jaladri | ing têmbe mulyèng tasik | wahyaning mangsa ing ngayun | binabar nèng Tunjung-bang | lunturing papa prihatin | tèngkèk buta lir mupakatkên carita ||

88. Blêkêtupuk lir nambung basa |[129] luntur pisan iku benjing | mangsa wus akir katiga | mèh labuh kapat nukuli | wêka mataning kunci | niscaya ambabar luhung | thithik mêksih sêsangat | tutuwu lir angiyani | jan-jannane têmtu ing tembe kasidan ||

--- 7 : 178 ---

89. Kêdhasih mèlu rêrasan | iya bênêr iku benjing | minulya ing kaênisan | nanging yèn pangkating cilik | cilaka lahirnèki | batinne sapa kang wêruh | sabab jalaran dosa | kulawangsane prihatin | tan sumurup yèn dadi marganing mulya ||

90. Mulyaning ahli uliya | sênêt karatoning gaib | dudu jamaning wong jamak | mukmin kas ingkang (n)jamani | gêmak mêlung mêlingi | sêrawungan nawung wuwus | pêpancèning ganjaran | kawulanira Hyang Widi | apês kuwat wus tinakdir tulisira ||

91. Karêm rahmad ing dêlahan | karêm rahmad ing (n)donyèki | iku Ki Sèh Amongraga | tan karêm rahmad ing lair | donyane dènsinggahi | mung muhung marang Hyang Agung | yèku tekad utama | tumanêm tinêmu luwih | sampurnane kapurba Prabu Mataram ||

92. Mangkana pêksi èsthanya | kang samya mungêl ing ratri | ana kang ngetung laminya | nèng Nusa Barong Mongragi | wus kawandasa ari | apan langkung kalih dalu | jangkêp pitung Jumungah | bèthèt maido madoni | gumarêjêg kang ngetang ngajak totohan ||

93. Tan wun ujare pêksi ka | sêsangat dènnya kapyarsi | nulya umrês ing samodra | jumêgur nêmpuh prang curi | ing wanci pajar gidib | nulya ngangkat wêktu Subuh | sawusira akadas | Jamal Jamil angadani | wusnya salat wêktu Subuh pupujian ||

94. Bakda ing pajar sidig byar | Hyang Aruna mêrbawani | karya ujwalèng samodra | myang isining wana wukir | sira Sèh Amongragi | asalat Loka[130] sumungku | rolas rêkangat salam | sabakdanira anuli | midêr-midêr nèng têpi tirahing karang ||

95. Non kitri pinggir samodra | tiris kucila kêcapi | wohe kang tiba samodra | pan dadi ulam jaladri | sang monêng ngling jro kapti | apa baya wahyanipun | wohing puyuh kang tiba | myang woh kucila kêcapi | ingkang runtuh dadi ulam ing samodra ||

--- 7 : 179 ---

96. Sèh Mongraga lon ngandika | hèh ki santri Jamal Jamil | dulunên wohing kalapa | kucila lawan kêcapi | dadi ulam loh sami | mara ta dulunên iku | Jamal Jamil tumingal | woh kang dadi ulam warih | matur inggih woh dadi ulam samodra ||

97. Wong roro gumun rêrasan | apa wis adate iki | woh kang tiba ing sagara | padha dadya lam jaladri | sang monêng mèsêm mèksi | ing sasmita wus kadulu | dêdalaning kasidan | kang kasêdya siyang ratri | pêmbabare woh dadya ulam sagara ||

98. Mangkana aris ngandika | dangdana gèthèk dèn aglis | nutugên paraning driya | ngêlangut ngupaya budi | sigra ki Jamal Jamil | dangdan gèthèke kang wau | ingêrut kinukuhan | tan antara wus miranti | Sèh Mongraga saking Nusabarong linggar ||

99. Tumurun saking samodra | nitih gèthèk pring lêstari | nut alun ngrambang ngarumbah | kabuncang prapta ing pinggir | pan wus tumamèng tasik | laju kewala anglangut | mangaler mahas wana | anabrang ing kali Kithing | lêpas kang sinêdya marang ardi Pigang ||

100. Apan tanah ing Lumajang | lan ing Jêmbêr tunggil wangkit | mangkana ing lampahira | Sèh Mongraga nênggêl ardi | prapta kèndêl ing kêndhit | nèng guwa mirong sadalu | kalangkung jro awiyar | jroning guwa wontên ardi | alit sawatara nulya ingunggahan ||

101. Pucak rata lir pinapar | gigilang gêng sela langking | sadalu dènnira tangat | enjing nulya sami mijil | umangkat manjat malih | nênggêl wukir pucakipun | praptèng lukiting[131] arga | arêrêm ing tigang ari | wus mangkana tumurun Sèh Amongraga ||

102. Jurang-jurang kinandhasan | anètèr ing parang rumpil | aluk-lukan ing lêlêka | lêmpar laju lampahnèki | ngalèr nusul wanadri | kêdalon tansèng wanagung | marang ing ardi Kilang |[132] maksih tapêl-watês nagri | ing Jêmbêr kang wetan kang kulon Lumajang ||

--- 7 : 180 ---

103. Prapta dhepoking parbata | guwane kalangkung wingit | guwa dalêm namanira | pêtênge anglilimputi | sigra Ki Jamal Jamil | ngagar kaywaking karya pyu | kang guwa ingoboran | kathah parane kaèksi | alurungan ngidul ngulon ngalèr ngetan ||

104. Kalih dalu anèng guwa | enjingira samya mijil | laju manjad ing aldaka | kêkayon kèh anggi-anggi | sêkar sangkêp mawarni | panjrah ing sari rum-arum | gandapura ngayangan | sukêt sulanjana mamrik | mêmêrakên êmêr sêre kamijara ||

105. Pakis galar kasimbaran | wisamarta jenggod rêsi | kucila lan katilampa | talompe tampèlan tangkil | prijatha kajar kêji | lung-wana lan kêncor-wulung | malelu kumlandhingan | bilungan lan adhêm-ati | kaywan inggil manisrêja lan paponan ||

106. Wau Ki Sèh Amongraga | ngancik sapucaking wukir | myarsa swaraning pêpasar | umyung tumawon kapyarsi | diyèng gyanne dhêdhêmit | apêpasaran gumuruh | sang monêng gya istipar[133] | sirna swaraning pawèstri | lir mirangrong kawanguran janma tama ||

1	Kurang satu suku kata:Tumama malih maring jro tilam wangi. (kembali) Kurang satu suku kata:Tumama malih maring jro tilam wangi.
2	Kurang satu suku kata: sêrat kang satunggil malih. (kembali) Kurang satu suku kata: sêrat kang satunggil malih.
3	angaras. (kembali) angaras.
4	§ Prayoginipun \| sru-asru \|. (kembali) § Prayoginipun \| sru-asru \|.
5	§ Prayoginipun \| panguwuhing \|. [Bila diganti panguwuhing lebih satu suku kata: pangwuhing]. (kembali) § Prayoginipun \| panguwuhing \|. [Bila diganti panguwuhing lebih satu suku kata: pangwuhing].
6	arga. (kembali) arga.
7	§ Kirang kalih wanda, prayoginipun \| Iyah iwah siluk aslinluk alêngki \|. [Kurang satu suku kata: Lêwah iwah siluk asiluk alêngki. Soeradipoera (1912–5): lyah lwah siluk asiluluk kang alêngki (Pupuh 66.34.1)]. (kembali) § Kirang kalih wanda, prayoginipun \| Iyah iwah siluk aslinluk alêngki \|. [Kurang satu suku kata: Lêwah iwah siluk asiluk alêngki. Soeradipoera (1912–5): lyah lwah siluk asiluluk kang alêngki (Pupuh 66.34.1)].
8	ngulati. (kembali) ngulati.
9	Ingulatan. (kembali) Ingulatan.
10	Tiningalan. (kembali) Tiningalan.
11	ngling. (kembali) ngling.
12	konengan. (kembali) konengan.
13	Teks asli ada tanda tanya (?) pada akhir kata ini. (kembali) Teks asli ada tanda tanya (?) pada akhir kata ini.
14	Biasanya guru lagu a: ingwang. (kembali) Biasanya guru lagu a: ingwang.
15	kinanthiya. (kembali) kinanthiya.
16	§ Prayoginipun \| nirna \|. (kembali) § Prayoginipun \| nirna \|.
17	§ Prayoginipun \| tan kaur \|. (kembali) § Prayoginipun \| tan kaur \|.
18	sidhekah. (kembali) sidhekah.
19	ngungun. (kembali) ngungun.
20	astagpirollah. (kembali) astagpirollah.
21	Lebih satu suku kata: arahna maring Hyang Sukma. (kembali) Lebih satu suku kata: arahna maring Hyang Sukma.
22	Kurang satu suku kata: bêngkong lir lêmbu andaka. (kembali) Kurang satu suku kata: bêngkong lir lêmbu andaka.
23	§ Prayoginipun \| garedeging \|. (kembali) § Prayoginipun \| garedeging \|.
24	anggro. (kembali) anggro.
25	§ Prayoginipun \| cakar \|. (kembali) § Prayoginipun \| cakar \|.
26	maringis (dan di tempat lain). (kembali) maringis (dan di tempat lain).
27	§ Prayoginipun \| tinub \|. (kembali) § Prayoginipun \| tinub \|.
28	Sang Amongkung. (kembali) Sang Amongkung.
29	§ Kakathahên sawanda, prayoginipun \| têmbing \|. (kembali) § Kakathahên sawanda, prayoginipun \| têmbing \|.
30	Haruna. (kembali) Haruna.
31	§ Prayoginipun \| masiti \|. (kembali) § Prayoginipun \| masiti \|.
32	Biasanya guru lagu a: arsa. (kembali) Biasanya guru lagu a: arsa.
33	kèn. (kembali) kèn.
34	Lebih satu suku kata: (m)Bok sampun susah sêsuguh. (kembali) Lebih satu suku kata: (m)Bok sampun susah sêsuguh.
35	nindya. (kembali) nindya.
36	nasi. (kembali) nasi.
37	§ Prayoginipun \| manêkung \|. (kembali) § Prayoginipun \| manêkung \|.
38	§ Prayoginipun \| pagut \|. (kembali) § Prayoginipun \| pagut \|.
39	ararywan. (kembali) ararywan.
40	§ Prayoginipun \| anjrah \|. (kembali) § Prayoginipun \| anjrah \|.
41	toyamum = tayamum (dan di tempat lain). (kembali) toyamum = tayamum (dan di tempat lain).
42	mudhun. (kembali) mudhun.
43	Teks asli ada tanda tanya (?) pada akhir kata ini. (kembali) Teks asli ada tanda tanya (?) pada akhir kata ini.
44	§ Ing Serat Centhini Pisungsung \| dhung Aro \|. (kembali) § Ing Serat Centhini Pisungsung \| dhung Aro \|.
45	§ Prayoginipun \| Pèrèngé \|. (kembali) § Prayoginipun \| Pèrèngé \|.
46	Monêng. (kembali) Monêng.
47	Variasi dari nama tembang: Mêgatruh. (kembali) Variasi dari nama tembang: Mêgatruh.
48	bandhutan = nama jenis ular. (kembali) bandhutan = nama jenis ular.
49	ula = ular. (kembali) ula = ular.
50	buwu = nama jenis ular. (kembali) buwu = nama jenis ular.
51	talipicis = nama jenis ular. (kembali) talipicis = nama jenis ular.
52	Biasanya guru lagu o: kono. (kembali) Biasanya guru lagu o: kono.
53	§ Prayoginipun \| mungal \|. (kembali) § Prayoginipun \| mungal \|.
54	Teks asli ada tanda tanya (?) pada akhir kata ini. (kembali) Teks asli ada tanda tanya (?) pada akhir kata ini.
55	kaywagung = kayu + agung. (kembali) kaywagung = kayu + agung.
56	gurdagung = gurda + agung. (kembali) gurdagung = gurda + agung.
57	benawigung = benawi + agung. (kembali) benawigung = benawi + agung.
58	wredhu = lintah. (kembali) wredhu = lintah.
59	§ Prayoginipun \| Kulu-papang \|. (kembali) § Prayoginipun \| Kulu-papang \|.
60	dhuwet. (kembali) dhuwet.
61	§ [Ada tanda referensi (bintang) tetapi tidak ada catatan kaki, mungkin: kaciput]. (kembali) § [Ada tanda referensi (bintang) tetapi tidak ada catatan kaki, mungkin: kaciput].
62	§ Ing Serat Centhini Pisungsung: \| Dhanyang sangga \|. (kembali) § Ing Serat Centhini Pisungsung: \| Dhanyang sangga \|.
63	Lebih satu suku kata: simbar mênjangan ngrêmbuyung. (kembali) Lebih satu suku kata: simbar mênjangan ngrêmbuyung.
64	kèngêtan. (kembali) kèngêtan.
65	§ Prayoginipun \| istigpar \|. (kembali) § Prayoginipun \| istigpar \|.
66	§ Prayoginipun \| gigal \|. (kembali) § Prayoginipun \| gigal \|.
67	Lebih satu suku kata: kabar piyambak-pyambak. (kembali) Lebih satu suku kata: kabar piyambak-pyambak.
68	anggi. (kembali) anggi.
69	mukêna. (kembali) mukêna.
70	nglakoni. (kembali) nglakoni.
71	olah. (kembali) olah.
72	§ Prayoginipun \| takabollahu wa minkum \|. (kembali) § Prayoginipun \| takabollahu wa minkum \|.
73	§ Prayoginipun \| Ngama \| = Surat 'Amma. (kembali) § Prayoginipun \| Ngama \| = Surat 'Amma.
74	Kurang satu suku kata: Kyai ingkang miwiti amaca Manga. (kembali) Kurang satu suku kata: Kyai ingkang miwiti amaca Manga.
75	§ Ungeling ayat wiwitan: § 1. 'Amma yatasaa-alun = Surat 78: An-Naba' (Pawarta kang wigati). (kembali) § Ungeling ayat wiwitan: § 1. 'Amma yatasaa-alun = Surat 78: An-Naba' (Pawarta kang wigati).
76	§ 2. Wannaazi'aat = Surat 79: An-nazi'aat (Lintang-lintang kang alirané rikat). (kembali) § 2. Wannaazi'aat = Surat 79: An-nazi'aat (Lintang-lintang kang alirané rikat).
77	Biasanya guru lagu i. (kembali) Biasanya guru lagu i.
78	§ 3. 'Abasa watawallaa = Surat 80: 'Albasa (Dhèwèké mrengut). (kembali) § 3. 'Abasa watawallaa = Surat 80: 'Albasa (Dhèwèké mrengut).
79	§ 4. Prayoginipun \| ida samsu kuwirat \| = Surat 81: Attakwir (Nggulung). (kembali) § 4. Prayoginipun \| ida samsu kuwirat \| = Surat 81: Attakwir (Nggulung).
80	§ 5. Izaa samaun fatharat = Surat 82: Al-infithar (Kasigar). (kembali) § 5. Izaa samaun fatharat = Surat 82: Al-infithar (Kasigar).
81	§ 6. Wailul lil muthafifin = Surat 83: Al-muthafifin (Wong-wong kang padha curang). (kembali) § 6. Wailul lil muthafifin = Surat 83: Al-muthafifin (Wong-wong kang padha curang).
82	§ 7. Izza samaun syaqqat = Surat 84: Al-insyiraaq (Kabengkah). (kembali) § 7. Izza samaun syaqqat = Surat 84: Al-insyiraaq (Kabengkah).
83	§ 8. Wasamai dzatil buruj = Surat 85: Al-buruj (Dhompolan lintang). (kembali) § 8. Wasamai dzatil buruj = Surat 85: Al-buruj (Dhompolan lintang).
84	§ 9. Wasamai wat-thariq = Surat 86: At-thariq (Wong teka ing wayah bengi). (kembali) § 9. Wasamai wat-thariq = Surat 86: At-thariq (Wong teka ing wayah bengi).
85	§ 10. Sabbihisma rabbikal a'laa = Surat 87 = Al- a'la (Kang Maha Luhur). (kembali) § 10. Sabbihisma rabbikal a'laa = Surat 87 = Al- a'la (Kang Maha Luhur).
86	§ 11. Hal ataka hatitsul ghasiyah = Surat 88: Al-ghasiyah (Lelakon kang anggegirisi). (kembali) § 11. Hal ataka hatitsul ghasiyah = Surat 88: Al-ghasiyah (Lelakon kang anggegirisi).
87	§ 12. Wal fajri = Surat 89: Al-fajr (Fajar). (kembali) § 12. Wal fajri = Surat 89: Al-fajr (Fajar).
88	§ 13. Laa uqsimu bihadzal balad = Surat 90: Balad (Negara). (kembali) § 13. Laa uqsimu bihadzal balad = Surat 90: Balad (Negara).
89	§ 14. Wassyamsi wadhuha-ha = Surat 91: As-syam (Srengéngé). (kembali) § 14. Wassyamsi wadhuha-ha = Surat 91: As-syam (Srengéngé).
90	§ 15. Wa laili idza yaghsya = Surat 92: Al-lail Wayah bêngi). (kembali) § 15. Wa laili idza yaghsya = Surat 92: Al-lail Wayah bêngi).
91	Kurang satu gatra: 7i. Soeradipoera (1912–5): kang surat walaèli (Pupuh 69.56.5). (kembali) Kurang satu gatra: 7i. Soeradipoera (1912–5): kang surat walaèli (Pupuh 69.56.5).
92	Kurang satu gatra: 8u. Soeradipoera (1912–5): ida yagsa tamatipun (Pupuh 69.56.6). (kembali) Kurang satu gatra: 8u. Soeradipoera (1912–5): ida yagsa tamatipun (Pupuh 69.56.6).
93	Kurang satu gatra: 7a. Soeradipoera (1912–5): anulya Ki Murtala (Pupuh 69.56.7). (kembali) Kurang satu gatra: 7a. Soeradipoera (1912–5): anulya Ki Murtala (Pupuh 69.56.7).
94	§ 16. Waddhuha = Surat 93: Adh-dhuha (Wayah ésuk). (kembali) § 16. Waddhuha = Surat 93: Adh-dhuha (Wayah ésuk).
95	Lebih satu suku kata: kang srat Waluka gumanti. (kembali) Lebih satu suku kata: kang srat Waluka gumanti.
96	§ 17. Alam nasyrah = Surat 94: Al-insyirah (Kajembaran). (kembali) § 17. Alam nasyrah = Surat 94: Al-insyirah (Kajembaran).
97	§ 18. Wattini = Surat 95: Al-thin (Woh tin). (kembali) § 18. Wattini = Surat 95: Al-thin (Woh tin).
98	§ 19. Prayoginipun \| Ikrak \| Iqra' bismi rabbikal ladzi khalaq = Surat 96: Al-'alaq (Prongkolan getih kenthel). (kembali) § 19. Prayoginipun \| Ikrak \| Iqra' bismi rabbikal ladzi khalaq = Surat 96: Al-'alaq (Prongkolan getih kenthel).
99	§ 20. Inna andzalnahu = Surat 97: Al Qadr (Wengi kang mulya). (kembali) § 20. Inna andzalnahu = Surat 97: Al Qadr (Wengi kang mulya).
100	Biasanya guru lagu a: anjala. (kembali) Biasanya guru lagu a: anjala.
101	§ 21. Lam yakunil ladzina = Surat 98: Al-bayyinah (Cihna, bukti). (kembali) § 21. Lam yakunil ladzina = Surat 98: Al-bayyinah (Cihna, bukti).
102	§ 22. Idza zulzilatil ardhu zilzalaha = Surat 99: Al-zalzalah (Horeg). (kembali) § 22. Idza zulzilatil ardhu zilzalaha = Surat 99: Al-zalzalah (Horeg).
103	§ 23. Wal 'adiaati dhab-ha = Surat 100: Al-'adiyaat (Jaran kapaleri kang mlayu banter). (kembali) § 23. Wal 'adiaati dhab-ha = Surat 100: Al-'adiyaat (Jaran kapaleri kang mlayu banter).
104	§ 24. Al-qari'ah = Surat 101: Al-qari'ah (Dina kiyamat). (kembali) § 24. Al-qari'ah = Surat 101: Al-qari'ah (Dina kiyamat).
105	§ 25. Alhakumut takatsur = Surat 102: At-takatsur (Jorjoran mubra-mubru). (kembali) § 25. Alhakumut takatsur = Surat 102: At-takatsur (Jorjoran mubra-mubru).
106	§ 26. Wal 'Ashri = Surat 103: Al-ashr (Mangsa). (kembali) § 26. Wal 'Ashri = Surat 103: Al-ashr (Mangsa).
107	§ 27. Wailul likulli humazatil lumazah = Surat 104: Al-humazah (Wong kang dhemen nacad ing liyan). (kembali) § 27. Wailul likulli humazatil lumazah = Surat 104: Al-humazah (Wong kang dhemen nacad ing liyan).
108	Amat Insal. (kembali) Amat Insal.
109	§ 28. Alam tara kaifa = Surat 105: Al-fil (Gajah). (kembali) § 28. Alam tara kaifa = Surat 105: Al-fil (Gajah).
110	§ 29. Ara aetallazi = Surat 107: Al Maa'uun (Barang kang piguna). (kembali) § 29. Ara aetallazi = Surat 107: Al Maa'uun (Barang kang piguna).
111	Lebih satu suku kata: Mat Diman Ara aetal. (kembali) Lebih satu suku kata: Mat Diman Ara aetal.
112	§ 30. Inna 'athainakal kautsar = Surat 108: Al-kautzar (Nikmat kabecikan kang akèh). (kembali) § 30. Inna 'athainakal kautsar = Surat 108: Al-kautzar (Nikmat kabecikan kang akèh).
113	Lebih satu suku kata: inna aktaéna Ngali. (kembali) Lebih satu suku kata: inna aktaéna Ngali.
114	§ 31. Qul yaa ayu hal kafirun = Surat 109: Al-kafirun (Wong wong kapir). (kembali) § 31. Qul yaa ayu hal kafirun = Surat 109: Al-kafirun (Wong wong kapir).
115	§ 32. Idzaa ja-a = Surat 110: An-nashr (Pitulungan). (kembali) § 32. Idzaa ja-a = Surat 110: An-nashr (Pitulungan).
116	Mat. (kembali) Mat.
117	§ 33. Tabbat yada-a = Surat 111: Al-lahab (Mulad-muladé geni). (kembali) § 33. Tabbat yada-a = Surat 111: Al-lahab (Mulad-muladé geni).
118	§ 34. Qul hu allahuahad = Surat 112: Al-ikhlas (Nyucèkaké Kaesa-aning Allah). (kembali) § 34. Qul hu allahuahad = Surat 112: Al-ikhlas (Nyucèkaké Kaesa-aning Allah).
119	Kurang satu gatra: 7i. Soeradipoera (1912–5): apa ngèstokên sami (Pupuh 69.63.5). (kembali) Kurang satu gatra: 7i. Soeradipoera (1912–5): apa ngèstokên sami (Pupuh 69.63.5).
120	sadhéngahnéya. (kembali) sadhéngahnéya.
121	Kurang satu suku kata: mèlua kaya Sêmbagi. (kembali) Kurang satu suku kata: mèlua kaya Sêmbagi.
122	Kurang satu suku kata: iya padha kewala andodonga-a. (kembali) Kurang satu suku kata: iya padha kewala andodonga-a.
123	Kurang satu suku kata: anèng pulo Nusa Barong. (kembali) Kurang satu suku kata: anèng pulo Nusa Barong.
124	§ Prayoginipun \| leleb \|. (kembali) § Prayoginipun \| leleb \|.
125	Mukaram. (kembali) Mukaram.
126	Lebih satu suku kata: linglung luyut angêningkên kaênêngan. (kembali) Lebih satu suku kata: linglung luyut angêningkên kaênêngan.
127	§ Prayoginipun \| sala-silahing dhikir \|. (kembali) § Prayoginipun \| sala-silahing dhikir \|.
128	cublak. (kembali) cublak.
129	Lebih satu suku kata: Blêktupuk lir nambung basa. (kembali) Lebih satu suku kata: Blêktupuk lir nambung basa.
130	§ Prayoginipun \| Luka = Duha. (kembali) § Prayoginipun \| Luka = Duha.
131	§ Prayoginipun \| lungiding \|. (kembali) § Prayoginipun \| lungiding \|.
132	§ Kêkathahên sawanda, prayoginipun \| ardi Lang \|. [Sudah benar guru wilangan: 7a. Soeradipoera (1912–5): marang ing ardi Iang (Pupuh 69.102.7)]. (kembali) § Kêkathahên sawanda, prayoginipun \| ardi Lang \|. [Sudah benar guru wilangan: 7a. Soeradipoera (1912–5): marang ing ardi Iang (Pupuh 69.102.7)].
133	istigpar. (kembali) istigpar.

Penanggalan